Fréttir

Eldri fréttir og aðrar upplýsingar:

Opinn lögréttufundur laugardaginn 4. september kl. 15:00 í Síðumúla 15.
Umræðuefni: Vetrarstarfið.

Ungir heiðingjar blása til Sveinbjarnarblóts
Sveinbjarnarblót verður haldið laugardaginn 3. júlí á tjaldsvæðinu Hjallaflötum í Heiðmörk. Þar er frábær grillaðstaða og salerni, en því miður er ekkert vatnsflæði, svo við minnum fólk á að taka með sér vatnsbrúsa.
Við ætlum að hittast á Hjallaflötum um kl. 17:00 og stendur blótið fram á næsta dag þar sem gert er ráð fyrir að tjalda yfir nótt. Munum við byrja á að grilla saman og nærast og kveikja svo í varðeldi þar sem siðfestuathöfn í umsjón Jónínu K. Berg Þórsnesgoða, fylgir á eftir.

Eyvindur P. Eiríksson Vestfirðingagoði blótar í Skatnavör í Arnardal fimmtudaginn 15. júlí kl. 18:00.
Allir velkomnir. Eyvindur P. Eiriksson - sími 868-7724

Sumarblót verður haldið þann 26. júní næstkomandi að Skálanesi í Seyðisfirði og hefst kl. 15.00 við Skálanesbjarg.

Að athöfn lokinni mun nýtt sánabað Skálanesbónda veða tekið í notkun með sérstökum gjörningi Freysgoða þar sem lýst verður griðum og sáttum.

Skálanesbóndi leggur til grill, húsnæði og aðstöðu alla og geta gestir tekið með sér það sem þeir helst kjósa til matar.

Blóttollur er kr. 1000 og eru allir velkomnir.

Allar nánari upplýsingar veitir Freysgoði í síma 861-2164

Þingblót Ásatrúarfélagsins 2010 verður haldið á Þingvöllum á þórsdegi í tíundu viku sumars (24. júní). Við hittumst kl. 18:00 í Almannagjá og blásið verður til blóts um kl. 18:30.

Allsherjargoði helgar blótið og goðar taka til máls. Þing verður sett.

Þegar lögsögumaður hefur sagt lögin frestar hann þingi til hausts.

Á dagskrá er siðfestuathöfn, en síðan göngum við til tjalds og grillum, etum, syngjum og verum glöð. Skemmtiatriði verða í boði. Blóttollur er að þessu sinni enginn, því nú stillum við upp stóru grilli fyrir þann mat, sem hver og einn hefur með sér að heiman. Þó leggur félagið til gosdrykki, pylsur (fyrir börnin), kartöflusalat og brauðmeti.

Góða skemmtun!

Gróður- og grillblót fjölskyldunnar við Skóg ræktar stöðina á Mógilsá á Kjalarnesi.
Laugardaginn 22. maí kl. 14:00 verður haldið gróðurblót við Skógræktarstöðina í landi Mógilsár.
Safnast verður saman í skjólsælum lundi við húsið og verður leiðin vel merkt.
• Jóhanna Harðardóttir, kjalnesingagoði, helgar blótið og síðan verður grillað, spjallað og skemmt sér fram eftir degi í fögru umhverfi. Bakað verður skógarbrauð og leitað að földum eggjum í skóginum.
• Allir eru velkomir.
• Munið að taka með ykkur eitthvað á grillið og klæða ykkur eftir veðri þótt alltaf sé skjól í skóginum.
• Sauna-kofinn er opinn fyrir þá sem vilja, svo og aðgangur að hreinlætisaðstöðu hússins.

Ásatrúarmenn fagna sumri að venju með blóti á sumardaginn fyrsta, 22. apríl.
Blótið hefst kl. 15 á lóðinni okkar í Öskjuhlíð, austan nýbyggingar Háskólans í Reykjavík.

Allsherjargoði helgar blótið og goðar drekka til landvætta að venju. Þá verður vígður bautasteinn til heiðurs stofnanda og fyrsta allsherjargoða Ásatrúarfélagsins, Sveinbirni heitnum Beinteinssyni.

Að því loknu flytjum við okkur yfir í félagsheimilið okkar að Síðumúla 15, þar sem börnin fá sumargjafir og við skemmtum okkur saman.

Boðið verður upp á grillaðar pylsur að hætti ásagrills og fleira góðgæti, sem við skolum niður með mjólk, gosdrykkjum og kaffi.

Blóttollur er enginn og börn í fylgd foreldra, 12 ára og yngri, fá sumargjafir.

Tóti trúður er væntanlegur eins og undanfarin ár. Að þessu sinni hyggst hann aðstoða börnin við þeirra eigin skemmtiatriði.

Góða skemmtun!

Blót verður haldið á sumardaginn fyrsta 22. apríl við Blöndalsbúð í Einarsstaðaskógi á Fljótsdalshéraði. Blöndalsbúð verður opin frá kl. 16:00 og verður kaffi í boði en fólk getur tekið með sér það sem því hentar af meðlæti eða öðrum kosti. Áætlað að blót hefjist um kl. 20:00.

Allar nánari upplýsingar fást hjá Baldri Freysgoða í síma 861-2164

Leshringur Ásatrúarfélagsins:
Tryggvi V. Líndal stendur fyrir leshring um Snorra-Eddu í opna húsi félagsins, kl. 14–15, á 6 vikna fresti.

Fyrirlestrar í Síðumúlanum - Gaman verður að fylgjast með í vetur fróðlegum erindum er varða okkar trúarsið og menningararf og viljum við hvetja sem flesta til að koma og taka með sér gesti eftirfarandi laugardaga, sem og aðra laugardaga á opið hús í Síðumúla 15, milli klukkan 14:00 og 16:00.

Fyrirlestrarnir hefjast kl 14:00.

10. apríl - Forn lögmál hlutfalla í hofbyggingum
Björn Kristjánsson húsasmíðameistari og Magnús Jensson arkitekt fjalla um stærðir, hlutföll og forn lögmál varðandi arkitektúr, form og rými hofa og bygginga.

Heimsmynd ásatrúarinnar. Þann 14 mars kl. 16.00 að Ekkjufelli í Fellum Fljótsdalshéraði, mun Hilmar Örn Hilmarsson allsherjargoði fjalla um heimsmynd ásatrúarinnar og helstu þætti innan hennar og á hverju hún byggist.

Allir velkomnir.

13. mars - Kristilegt málfar heiðinna nútímamanna - og öfugt
Bjarki M. Karlsson málfræðingur flytur erindi um ýmislegt í nútímamáli er rætur á í Kristnum sið, annars vegar - og í Heiðnum sið hins vegar, máltæki, orðtök og slíkt.

13. febrúar - Heimsmynd ásatrúarinnar
Hilmar Örn Hilmarsson allsherjargoði fjallar um heimsmynd ásatrúarinnar og helstu þætti innan hennar og á hverju hún byggist.

Siðfestufræðsla á vegum Ásatrúarfélagsins - Jóhanna Harðardóttir, Kjalnesingagoði heldur áfram með siðfræðslu í Síðumúlanum. Þetta er þriðji tíminn og hefst hann kl 12:30 laugardaginn 30. jan. Búast má við að hann standi til klukkan 14:00. Þeir sem mæta eru minntir á að koma með Hávamálin með sér (þeir sem eiga þau). Hafa má samband við Jóhönnu í síma 566 7326 og 699 3250. .
Allir eru velkomnir.

Þorrablót Ásatrúarfélagsins 2010 - Senn líður að þorra og ekki er seinna vænna en að blóta hann með stæl strax á bóndadag, sem er föstudagurinn 22. janúar. Þorrablót Ásatrúarfélagsins verður haldið á bóndadag í húsi Ferða félags Íslands að Mörkinni 6 eins og undanfarin ár. Þar komum við saman og snæðum hefðbundinn þorramat, njótum skemmtiatriða og samvista við annað heiðið fólk fram eftir kvöldi.

Húsið opnar kl. 19:00 og blóttollur er kr. 4.400,- fyrir manninn, en börn 12 ára og yngri fá frítt.
Þeir sem vilja taka þátt, vinsamlegast greiði blóttollinn inn á reikning félagsins (nr. 0101-26-011444, kt. 680374-0159) ekki síðar en fimmtudaginn 21. janúar til að staðfesta fjölda gesta. Takmörk eru fyrir hve margir geta bæst í hópinn við innganginn. Félagsfólk er hvatt til að fjölmenna og taka með sér gesti.
Allir eru velkomnir.

Góða skemmtun.

23. janúar - Rúnanotkun og rúnagerð
Bára Halldórsdóttir þjóðfræðinemi mun þá verða með fræðslu um rúnir og notkun þeirra og kennslu í að útbúa sitt egið rúnasett úr leir. Þetta höfðar ekki hvað síst til yngri kynslóðarinnar.

Barnasamveran verður á sunnudögum í vetur kl: 14:00 - 16:00.
Meiginmarkmiðið er að leyfa börnum félagsmanna að hittast, leika sér saman, lesa, lita, teikna, hlusta á hljóðbækur og fl. sem þróast með tímanum, einnig verður opin umræða fyrir þau eldri um trúnna.
Foreldrar látið endilega sjá ykkur með börnin.
Getið einnig sent mér fyrirspurnir á: potiputtur@hotmail.com

Ebba Unnsteins

Fréttir frá árinu 2009:

Ungliðastarf
Þeir sem áhuga hafa á að endurvekja ungliðastarfið setji sig í samband við Ebbu Unnsteinsdóttur: potiputtur@hotmail.com

Vetrarsólstöðublót í Neskaupstað. Baldur Pálsson Freysgoði stendur fyrir vetrarsólstöðublóti næstkomandi sunnudag, 20 des. kl. 16.00 við snjóflóðavarnargarðana í Neskaupsstað.

Jólablót Ásatrúarfélagsins 2009
Jólablótið okkar verður haldið á sólstöðum, mánudaginn 21. desember, og hefst með athöfn kl. 18 á lóðinni okkar í Öskjuhlíðinni. Síðan höldum við áfram með ljósahátíð barnanna og sameiginlegt borðhald
með skemmtiatriðum í sal Ferðafélagsins í Mörkinni 6, eins og við höfum gert undanfarin ár.

Húsið verður opnað kl.19:30. Blóttollur í Mörkinni er kr. 3.500 fyrir manninn, en börn 12 ára og yngri í fylgd foreldra fá frítt. Blóttollinn þarf að greiða inn á reikning félagsins (nr. 0101-26-011444, kt. 680374-0159) fyrir 20. desember svo hægt sé að fastsetja fjölda gesta. Eftir það hækkar gjaldið í kr. 4.000 og takmörk eru fyrir hvað margir geta bæst í hópinn við innganginn. Félagsfólk er hvatt til að fjölmenna og taka með sér gesti. Allir eru velkomnir, jafnt félagsfólk sem utanfélagsfólk.
Góða skemmtun og gleðilega hátíð.

Vetrarsólstöðublót verður næstkomandi mánudag, 21 des. kl. 20.00 við Ferjuhöfnina austan Lagarfljótsbrúar - Baldur Pálsson Freysgoði.

Landvættablót verða haldin samtímis í öllum landsfjórðungum þann 1. desember.
Öll blótin hefjast stundvíslega kl. 18:00 en safnast verður saman hálftíma fyrr.

Í Austfirðingafjórðungi mun Baldur Pálsson Freysgoði standa fyrir vættablóti við Ferjuhöfnina austan Lagarfljótsbrúar og hefst kl. 18.00.

Jóhanna Harðardóttir, Kjalnesingagoði mun standa fyrir blóti við Garðskagavita og á eftir verður safnast saman á "Flösinni" sem er safn og kaffishús við vitann.

Hilmar Örn Hilmarsson allsherjargoði blótar á Þingvöllum í Almannagjá. Það verður safnast saman og gengið frá Valhallarreitnum kl. 17:45.

Í Vestlendingafjórðungi mun Jónína K. Berg Þórsnessgoði standa fyrir blóti í Hafnarskógi undir Hafnafjalli.

Í Norðlendingafjórðungi mun Árni Einarsson hofgoði halda blót við sólúrið í Kjarnaskógi við Akureyri.

Nánari upplýsingar verða einnig veittar í síma félagsins 561 8633 og hjá goðum félagsins.

Fyrirlestur á opnu húsi: Laugardaginn 14. nóvember kl 14:15, mun Guðrún Kristín Magnúsdóttir / Goðrún Dimmblá flytja erindi í tilefni þess að fyrr á árinu komu út eftir hana í vefútgáfu „Óðsmál in fornu“ og mun hún fjalla um þann mikla fróðleik og vísindi er felast í heiðnum sið.

Barnasamveran hefur göngu sína sunnudaginn 8.nóvember í Síðumúla 15. kl 14-16:00.

Foreldrar látið endilega sjá ykkur með börnin og forvitnist um starfið hjá mér næstkomandi sunnudag.
Getið einnig sent mér fyrirspurnir á: potiputtur@hotmail.com

Barnasamveran verður á sunnudögum í vetur á þessum tíma.
Meiginmarkmiðið er að leyfa börnum félagsmanna að hittast, leika saman, lestur, lita, teikna, hlusta á hljóðbækur og fl. sem þróast með tímanum, einnig opin umræða fyrir þau eldri um trúnna :)

Bíð spennt eftir ykkur næstkomandi sunnudag með hlýjum móttökum.
Bestu kveðjur
Ebba Unnsteins

Allsherjarþing Ásatrúarfélagsins verður haldið á Hótel Sögu kl. 14:00, laugardaginn 31. október nk.,
í sal Harvard (2. hæð, inng. að norðanverðu).

Dagskrá:
1. Skýrsla lögréttu, borin upp til umræðu og staðfestingar
2. Reikningar lagðir fram til umræðu og til staðfestingar
3. Lagabreytingar og aðrar tillögur
4. Kosið í lögréttu
5. Kosning skoðunarmanna reikninga, nefnda og í aðrar trúnaðarstöður
6. Endurkjör goða
7. Staða hofbyggingarinnar
8. Önnur mál

Veturnáttablót Ásatrúarfélgsins fyrsta vetrardag 24. október
Klukkan 17:30 munu goðar félagsins standa fyrir blóti og fagna komu vetrar á lóðinni okkar í Öskjuhlíðinni. Blót þetta er helgað Óðni, uppskeru haustsins og öllum þeim lifandi verum sem hverfa til hinnar eilífu hringrásar. (Smella hér til að sjá staðsetningu lóðarinnar)

Síðar um kvöldið verður haldin veisla í Mörkinni 6 í húsi Ferðafélagsins.

• Húsið verður opnað kl. 18:30
• Borðhald
• Skemmtiatriði og söngur

Blóttollur verður 3000 kr. fyrir matinn en börn í fylgd með foreldrum fá frítt.
Vinsamlega greiðið tímanlega (minnst þremur dögum fyrir blót, eða látið a.m.k. vita með þeim fyrirvara) inn á reikning félagsins: 0101-26-011444, kt. 680374 - 0159.
Þeir sem hyggjast greiða fyrir matinn við innganginn borga 4000 kr.
Ekki er unnt að taka við greiðslukortum.

Veturnáttablót á Akureyri fyrsta vetrardag 24. október
Árni Einarsson hofgoði mun standa fyrir blóti að heiðnum sið við sólúrið í Kjarnaskógi 24. okt. kl: 18:00. Blót þetta er helgað Óðni, uppskeru haustsins og öllum þeim lifandi verum sem hverfa til hinnar eilífu hringrásar.

Í framhaldi af blótinu er fyrirhugað að skipuleggja starfsemi á svæðinu, því er mjög mikilvægt að allir sem sjá sér fært að mæta, láti sjá sig og taki virkan þátt í að leggja drög að starfseminni.

Veturnáttablót í Austurlandsgoðorði fer fram á Vestdalseyri í Seyðisfirði kl. 15:00 á fyrsta vetrardag þann 24. október. Baldur Pálsson Freysgoði mun standa þar fyrir blótshaldi.

Siðfestufræðsla hefst 24. október í Reykjavík.
Siðfestufræðsla á vegum Ásatrúarfélagsins hefst laugardaginn 24. október. Jóhanna Harðardóttir, Kjalnesingagoði mun sjá um siðfestufræðslu í húsnæði félagsins Síðumúla 15 og hefst hún klukkan 12:00. Stefnt er að því að fræðslan verði síðasta laugardag í hverjum mánuði, að desember undanskildum. Siðfestufræðslan er ætluð þeim sem stefna að því að taka siðfestu á næsta ári og er
hugsuð sem almenn kynning á heiðnum sið. Fjallað verður meðal annars um siðfestuathöfnina sjálfa, heiðin gildi og tákn, goðafræði og forna menningu auk þess sem lesin verða Hávamál og Völuspá og rætt um boðskap þessara kvæða. Mikið er lagt upp úr opnum og gagn virkum samskiptum við siðfestu fræðslu. Enn er nóg pláss fyrir áhugasama sem vilja kynnast heiðnum sið og taka þátt í spjalli
og vangaveltum á heimsspekilegum nótum.
Hafa má samband við Jóhönnu í síma 566 7326 og 699 3250.

Fyrirlestrar og námskeið á opnu húsi:
Kennsla í víkingafatagerð verður á opnu húsi 24. okt. Mynsturbækur til staðar, aðstoð við snið á fatnaði, handbragð við saumaskapinn og fleira. Jóhanna s. 566 7326

Haustblót í Borgarfirði 19. september. Þann 19. september heldur goði Vestlendinga Jónína K. Berg blót í tilefni jafndægurs að hausti. Blótið fer fram að Krumshólum í Borgarfirði, sem eru í uþb.11 km. fjarlægð frá Borgarnesi.

Ef komið er t.d. frá Akranesi er ekið í gegnum Borgarnes í austurátt á hringveginum tæpa 10 km. þar til beygt er til hægri inná veg nr 530 - Ferjubakkaveg og eftir tæpan kílómetra er aftur beygt til hægri inná afleggjarann að Krumshólum. Vegaskiltið að bænum er á vinstri hönd!

Blótið hefst klukkan 18:00 og að því loknu er öllum velkomið að grilla, en góð grill og grillaðstaða er á staðnum og hægt að sitja innandyra með kræsingarnar fyrir þá sem vilja. Svo um er að gera að koma með sér eitthvað á grillið. Öll aðstaðan á staðnum er eins og best gerist á góðum blótum.

Samkvæmt Google Earth eru Krumshólar staðsettir á 64°35'49,64" N og 21°48'36,58" V.

Allir velkomnir.

Þingblót Ásatrúarfélagsins verður haldið 25. júní á þórsdegi í tíundu viku sumars.
Safnast verður saman kl. 18:00 í Almannagjá og blásið verður til blóts um 18:30.
Allsherjargoði helgar blótið, goðar taka til máls og þing verður sett.
Þegar lögsögumaður hefur sagt lögin frestar hann þingi til hausts.
Á dagskrá er siðfestuathöfn og brúðkaup.
Eftir athafnirnar göngum við til tjalds og etum, syngjum og verum glöð. Skemmtiatriði verða í boði.

Blót tollur er 3.000 krónur, en börn í fylgd með foreldrum, 12 ára og yngri, fá frítt að venju.

Vinsamlega greiðið tímanlega (minnst þremur dögum fyrir blót, eða látið a.m.k. vita með þeim fyrirvara) inn á reikning félagsins: 0101-26-011444, kt. 680374-0159, annars er svo erfitt að panta hæfilegt magn matar.

Góða skemmtun!

Sumarsólstöðublót: 21. júní heldur Árni Einarsson hofgoði sumrsólstöðublót á Akureyri.
Blótið verður haldið hjá sólúrinu í Kjarnaskógi klukkan 18:00.
Nánari upplýsingar - arni@asatru.is

Útgáfutónleikar Krauka í Síðumúlanum 11. júní
Húsið opnar kl. 20:00 en tónleikarnir hefjast kl. 20:30 og er aðgangur ókeypis.

Guðjón Rúdólf Guðmundsson og dönsku félagarnir hans í hljómsveitinni Krauka (Krákan) halda útgáfutónleika í Síðumúla 15 í tilefni geisladisksins " Óðinn" sem er nýjasta afurð þeirra.

Meira um hljómsveitina á heimasíðunni: www.krauka.dk

Gróðursetningarferð Ásatrúarfélagsins í Heiðmörk verður farin laugardaginn 6. júní ef ekki
hellirignir. Hittumst við reitinn okkar ofan við Þingnesið kl. 13. Þeir sem vilja veiða á eftir eða undan,
taki með sér veiðistöng og pening fyrir veiðileyfi.
Vinsamlega tilkynnið þátttöku í síma 6950675 eða á netfangið egillb@mmedia.is

Gróðurblót: Árlegt gróðurbót Kjalnesingagoða verður haldið við hús Skóræktar ríkisins á Mógilsá laugardaginn 30. maí klukkan 14:00. Eftir blótið verður grillað, spjallað og spaugað. Hin árlega eggjaleit fer fram með tilheyrandi verðlanaafhendigu. Sána Skógræktarinnar stendur okkar til boða – mætum með handklæði.

Allir velkomnir og takið mð ykkur gesti - Enginn blóttollur.

Jóhanna Harðardóttir, Kjalnesingagoði - Sími: 699 325

Heiður - seið hún kunni - Grunnnámskeið um sjamanisma fyrir 21. öldina.
Laugardag 23. maí og fimmtudagana 28.maí, 4., 11. og 18. júní.
Staðsetning: Akureyri og nágrenni - Leiðbeinandi: Valgerður H. Bjarnadóttir

Á námskeiðinu munum við fræðast lítillega um þann sjamanisma sem er lifandi í dag og sögu hans í menningu okkar sjálfra. Aðaláherslan er þó á verkefni sem tengja okkur við náttúruna og veruleikann. Við lærum m.a. um heimana þrjá og vættir þeirra, máttardýr og aðrar hamingjur, förum í draumferðir, sköpum og ræðum saman til að blása líf í minni völvunnar og vitkans sem í okkur býr, vekja seiðinn úr dvala.

Seiður eða sjamanismi hefur verið mikilvægur hluti daglegs lífs, menningar og siða kvenna og karla um allan heim frá örófi alda. Enn er sjamanismi lifandi meðal frumbyggja heimsins, í Ástralíu, Ameríku, Asíu, Afríku og á Norðurhjara Evrópu, meðal Sama. Þörfin fyrir að blása líf í glóðir þessa lífsforms er að vakna meðal íbúa vestrænna iðn- og markaðsríkja og þá kemur í ljós að það lifir enn í glóðunum. Ef kafað er í menningararfinn finnum við minni seiðsins bæði í keltneskum og norrænum rótum okkar.

Nánari upplýsingar: www.vanadis.is

Sumardagurinn fyrsti 23. apríl – Eftir blót í Öskjuhlíðinni verður safnast saman í Síðumúlanum.

Kvæðamannahópurinn Bragi verður með æfingu fimmtudaginn 19. mars að Síðumúla 15 klukkan 20:00. Nýir félagar eru sérstaklega velkominr.

Kvæðamannahópurinn Bragi kemur aftur saman til æfinga mánudaginn 2. febrúar í félagsheimili voru að Síðumúla 15. Æfigin hefst klukkan 20:00 og eru nýjir félagar sérstaklega velkomnir í hópinn.

Þorrablót Ásatrúarfélagsins 2009 - Ásatrúarmenn slá ekki slöku við í kreppunni og halda hið eina sanna þorrablót, nú sem endranær, á bóndadag 23. janúar. Blótið verður í Mörkinni 6, í húsi Ferðafélags
Íslands, sem verður opnað kl. 19:00.

Þegar goðar hafa blótað til landvætta og helgað matinn, og við etið og drukkið full, munu landsfrægir skemmtikraftar taka við og halda uppi stemmningu sem vart hefur sést norðan Heimakletts.

Steindór Andersen kveður okkur í kútinn.
Ragnhildur Gísladóttir verður með tónlistaratriði ásamt m.a. Birni Thoroddsen og Jóni Rafnssyni.
Fjöldasöngur.

Blóttollur er 4.500 krónur, en börn í fylgd með foreldrum, 12 ára og yngri, fá frítt.
Takið sérstaklega eftir gömlu lummunni:
„Vinsamlega greiðið tímanlega inn á reikning félagsins: 0101-26-011444, kt. 680374-0159. “

Góða skemmtun!