Landhelgisgæslan hefur með eftirliti, leit og björgun stuðlað að öryggi sjófarenda og annarra landsmanna og verndað auðlindir þjóðarinnar við erfiðar aðstæður. Fyrir það nýtur Landhelgisgæslan virðingar og trausts allrar þjóðarinnar, segir í tilkynningu frá Ásatrúarfélaginu.

Fyrsta skip Gæslunnar var gufuskipið Óðinn sem kom til landsins árið 1926 og frá þeim tíma hafa skip og flugvélar hennar borið nafn norrænna goða og gyðja.

Í tilefni 40 ára afmælis síns fannst Ásatrúarfélaginu því við hæfi að leggja 1000 krónur frá hverjum félagsmanni í þyrlusjóð sem afhentur verður Landhelgisgæslunni til eignar án afskipta félagsins. Í framtíðinni er sjóðnum ætlað að vera vettvangur allra landsmanna til að efla öryggi lands og þjóðar. Gæslan setur reglur hans, en verndari sjóðsins verður Öldungaráðið, sem er félag starfsmanna LHG sem hættir eru störfum.

Afhending sjóðsins fer fram um borð í varðskipinu Þór kl. 14:30, en skipið verður þá komið til hafnar í Reykjavík eftir langa fjarveru.

1998. 280
1999. 304
2000. 353
2001. 515
2002. 570
2003. 636
2004. 787
2005. 879
2006. 960
2007. 1.040
2008. 1.154
2009. 1.275
2010. 1.402
2011. 1.700
2012. 1.951

Hér að neðan er svo yfirlit sem sýnir hlufallslega fjölgun eða fækkun í trúfélögum (og utan þeirra) með yfir 200 félaga frá 1. jan. 2011 til 1. jan. 2012. Ekkert trúfélag óx jafn mikið hlutfallslega og Ásatrúarfélagið á árinu.

Félagið hefur reynt að bregðast við þessu trausti með því að efla starfsemi sína, jafnt trúarlegar athafnir sem almennt félagsstarf. Eins hefur verið leitast við að bæta upplýsingjöf til félagsmanna og annarra, m.a. með þessari vefsíðu. Stærsta verkefnið framundan er svo bygging hofs á lóð félagsins í Öskjuhlíð en með tilkomu þess stórbatnar öll aðstaða til að efla félagið enn frekar.

Skjáskot úr þættinum

Þýska sjónvarpsstöðin ARD sýndi heimildarmynd um Ísland í gær, 11. desember.  Stór hluti þáttarins er helgaður íslenskri heiðni.  Fyrst er sýnt frá jólablóti, svo er Jóhanna Kjalnesingagoði sótt heim og loks fer hún með áhorfendum til Þingvalla og segir þeim frá mörgu fróðlegu.

Slóð að vefupptöku er http://www.ardmediathek.de/ard/servlet/content/3517136?documentId=9007082. Heiðni hlutinn hefst þegar tímalínan sýnir 15:36.

Skoða Vorn sið á PDF-sniði.

Hafir þú hug á að ganga í Ásatrúarfélagið þá getur þú smellt á tengilinn hér lengst til hægri á síðunni. Þar má finna allar nauðsynlegar upplýsingar um það hvernig ganga má í félagið.

• Þingvellir: Hilmar Örn Hilmarsson, Allsherjargoði, blótar í Almannagjá.
• Suðurland: Haukur Dór Bragason, Lundarmannagoði, og Jóhanna G. Harðardóttir, Kjalnesingagoði, blóta við Garðskagavita.
• Vesturland: Jónína K. Berg, Þórsnessgoði, blótar í Hafnarskógi við Hótel Brú.
• Norðurland: Ragnar Elías Ólafsson, nýkjörinn goði á Norðurlandi, blótar á Hamarskotstúni, skáhallt á móti Sundlaug Akureyrar.
• Austurland: Baldur Pálsson, Freysgoði, blótar við ferjuhöfnina við Lagarfljót.

Blótsgestum á Suðurlandi verður boðið að þiggja kaffi og kakó á Flösinni eftir blót.
Blótsgestir á Vesturlandi geta þegið kjötsúpu á Hótel Brú.

Nýskipuð lögrétta hefur skipt með sér verkum og er skiptingin eftirfarandi*:

Hallur Guðmundsson – lögsögumaður
Böðvar Þórir Gunnarsson – staðgengill lögsögumanns
Bjarki M Karlsson – ritari
Hulda Sif Ólafsdóttir – gjaldkeri
Halldór Bragason – meðstjórnandi
Sigurlaug Lilja Jónasdóttir – 1. varamaður
Lenka Kovárová – 2. varamaður

Auk þess sitja í lögréttu Allsherjargoði, Hilmar Örn Hilmarsson, og staðgengill hans, Jóhanna G Harðardóttir.

*Uppfært eftir lögréttufund 10. nóvember, þar sem samþykkt frá 30. október var endurskoðuð.

*Uppfært eftir lögréttufund 10. nóvember, þar sem samþykkt frá 6. september var endurskoðuð.