Það verður opið hús hjá okkur laugardaginn 10. október líkt og aðra laugardaga frá kl. 14-16.
Endilega kíkið við í kaffi og spjall.
Allir velkomnir.
Veturnáttablót verður haldið á fyrsta vetrardegi 24. október næstkomandi.
Hvammverjagoði Alda Vala Ásdísardóttir helgar blótið sem hefst kl. 19:00. Teitur Magnússon tónlistarmaður tekur nokkur lög.
Um er að ræða Pálínuboð þar sem félagið býður grunn að veitingum sem gestir geta svo bætt í.
Til að skrá sig þarf að senda tölvupóst á skrifstofa@asatru.is.
Þar þarf að koma fram eitt nafn og svo fjöldi fólks sem fylgir viðkomandi. Að auki þarf að koma fram hvaða rétt viðkomandi ætlar sér að koma með um kvöldið. Þá er t.d. hægt að koma með einn aðalrétt eða einn eftirrétt.
Hlökkum til að sjá ykkur.
Á næsta Eddukvöldi tökum við fyrir tvö samhangandi kvæði, Grógaldr og Fjölsvinnsmál. Bæði kvæðin fjalla um Svipdag, sem fær verndargaldra frá látinni móður sinni og heldur síðan til Menglaðar, sem bíður hans í víggirtum, yfirnáttúrulegum heimi. Kvæðin eru aðeins varðveitt í ungum handritum og líklega frá 13.–14. öld. Ferðin, prófraunirnar og Menglöð með meyjunum níu hafa verið tengd keltneskum frásögnum um ferðir hetja í annan heim, en bein áhrif eru óviss.
Kvæðin falla að edduhefðinni með goðsögulegu efni, galdri og eins konar gátukeppni, en skera sig jafnframt frá mörgum eldri eddukvæðum með ævintýralegri frásögn, biðilsför og mögulegum keltneskum áhrifum, sem minna fremur á miðaldarómönsur og þjóðsagnaefni. Kvæðið hefur verið flokkað með ævintýrakvæðum undir edduháttum.
Dr. Teresa Dröfn Freysdóttir Njarðvík leiðir umræðuna.
Mæting er kl. 20:00 í hofið í Öskjuhlíð.
Við minnum líka á að þetta verður eina Eddukvöldið í október – því seinna Eddukvöld mánaðarins fellur niður vegna ráðstefnu. Næsta Eddukvöld verður því haldið 11. Nóvember og verður auglýst þegar nær dregur.
Allsherjarþing Ásatrúarfélagsins 2026 verður haldið í hofi félagsins að Menntasveigi 15 í Öskjuhlíð laugardaginn 31. október kl. 14:00. Allir í félagatali Ásatrúarfélagsins fimm dögum fyrir allsherjarþing eiga rétt til setu á þinginu og hafa þar málfrelsi og tillögurétt. Atkvæðisréttur og kjörgengi miðast við 18 ára aldur.
Samkvæmt 29. grein starfsreglna Ásatrúarfélagsins skal í ár kosið um þrjá fulltrúa í lögréttu til tveggja ára, tvo varamenn til eins árs, tvo skoðunarmenn reikninga til eins árs og tvo fulltrúa kjörnefndar til eins árs. Framboðsfrestur til stjórnar félagsins og í aðrar stöður sem kosið er um undir 5. fundarlið rennur út viku fyrir allsherjarþing, laugardaginn 24. október kl. 14:00. Undantekning frá þessu er að þeir sem bjóða sig fram til stjórnar en ná ekki kjöri geta á þinginu boðið sig fram sem varamenn í stjórn.
Til að bjóða sig fram skal skrá sig hér.
Ein lagabreytingartillaga barst og verður lögð fram af lögréttu. Tillagan er svohljóðandi: Að orðalagi í 4. gr. starfsreglna um höfuðblót verði breytt svo að „hið fjórða á sumarsólstöðum“ verði „hið fjórða á þórsdegi í tíundu viku sumars“.
Dagskrá allsherjarþings 2026:
- Skýrsla lögréttu borin upp til umræðu og staðfestingar.
- Reikningar lagðir fram til umræðu og staðfestingar.
- Lagabreytingar og aðrar tillögur.
- Kosning í lögréttu.
- Kosning skoðunarmanna reikninga, í nefndir og í aðrar trúnaðarstöður.
- Önnur mál.
Borðspilakvöld verður í hofinu í Öskjuhlíð miðvikudaginn 7. október. Við ætlum að opna húsið snemma í þetta skiptið eða kl. 17:00 en frjálst er að mæta á þeim tíma er hentar út kvöldið.
Á staðnum verður borðspilasafn Ásatrúarfélagsins, nördagoðarnir Jökull Tandri og Haukur og eitthvað af nasli og tilheyrandi.
Öll velkomin, einsömul eða með vini, með snakk í púkkið eða án þess, með vel valin borðspil úr eigin safni eða án spila.
Það verður opið hús hjá okkur 3. október líkt og aðra laugardaga í hofinu okkar í Öskjuhlíð frá kl. 14-16.
Endilega kíkið við í kaffi og spjall.
Allir velkomnir.
Baldur Pálsson Freysgoði helgar heiðarblót við Sænautasel á Jökuldalsheiði 3. október kl.16:00.
Fyrir áhugasama blótgesti þá er ætlunin að hittast að blóti loknu í Sænautaseli.
Kæru nemendur, foreldrar og forráðamenn.
Skráning í siðfestufræðslu Ásatrúarfélagsins fyrir skólaárið 2026-2027 er í fullum gangi.
Hér eru nánari upplýsingar um siðfestuna okkar þar sem einnig er hægt að skrá sig:
https://asatru.is/sidfesta/
Ef einhverjar spurningar vakna þá er hægt að senda tölvupóst á skrifstofa@asatru.is eða hringja í okkur í síma 861-8633.
Hlökkum til að sjá og heyra í ykkur
Vegna jarðarfarar verður lokað á skrifstofu félagsins föstudaginn 25. september.
Á næsta Eddukvöldi lesum við Baldurs drauma, sem einnig er þekkt sem Vegtamskviða. Kvæðið er með styttri eddukvæðum.
Þegar Baldur dreymir illa ríður Óðinn til heljar að leita fregna og Óðinn kemst að því hvaða örlög bíða Baldurs.
Við hefjum kvöldið kl. 20:00 í hofinu okkar í Öskjuhlíð.
Dr. Teresa Dröfn Freysdóttir Njarðvík leiðir umræðuna.
Allir velkomnir.
