Fréttir

Tilkynning!

Dagatalið var að koma úr prentun og er komið í póst til skráðra félagsmanna þeim að kostnaðarlausu. Við verðum einnig með dagatöl til sölu í hofinu í Öskjuhlíð á 1000 kr. stykkið (meðan birgðir endast).

Þetta er síðasta árið þar sem dagatalið verður sent með þessu sniði, en framvegis verða félagsmenn að óska sérstaklega eftir því að fá dagatalið heimsent.

Best er að opna eftirfarandi hlekk til að lesa nánar um málið og skrá sig svo í kjölfarið á listann sem notaður verður fyrir póstsendinguna að ári.

Hlekkur á upplýsingar og skráningu á póstlistann.

Einnig er hægt að nota QR kóðann sem birtist ykkur á bakhlið nýja dagatalsins og hér með færslunni til að skrá sig á póstlistann.

Það er opið hús á laugardaginn líkt og venjulega, en hofið opnar kl. 14:00 og við lokum kl. 16:00.

Það er kaffi á könnu og öllum frjálst að mæta í kaffispjall um himna og geima.

Leshópurinn mun taka Hyndluljóð fyrir á næsta Eddukvöldi, þann 22. apríl í hofinu okkar í Öskjuhlíð.

Ólíkt öðrum eddukvæðum eru Hyndluljóð ekki varðveitt í Konungsbók eða öðrum eddukvæðahandritum. Kvæðið er varðveitt í Flateyjarbók, sem annars geymir konungasögur, enda er ættartala konunga fyrirferðamikil í kvæðinu. Snorra-Edda inniheldur nokkur erindi úr kvæðinu þar sem það er titlað Völuspá hin skamma. Kvæðið segir af ferð Freyju til Hyndlu, að sækja ættartölu Óttars svo hann geti gengið að arfi sínum.

Dr. Teresa Dröfn Freysdóttir Njarðvík leiðir umræðuna.

Sumarið nálgast og verður sumardeginum fyrsta fagnað víða á landinu.

Tvö blót skv. dagatali falla niður, en þau eru Sigurblótið í Ásheimum í Skagafirði og Sigurblótið í Þingskálum í Hornafirði.

Það er hins vegar nóg um að vera og verða eftirfarandi blót haldin 22. og 23. apríl næstkomandi:

————————————————————————–

22. apríl –

Jarðarblót við gróðrarstöðina Þöll í Hafnafirði.

Jarðarblót á degi Jarðar. Mæting í gróðrarstöðina Þöll við Kaldárselsveg, gengið verður af stað á blótstað í skógræktinni klukkan 18:00.

Dalverjagoði helgar stað og stund.

Kaffi og samvera í Gróðrarstöðinni að blóti loknu. Opið almenningi og öll velkomin.

————————————————————————–

23. apríl –

Sigurblót í Öskjuhlíð í Reykjavík.

Sigurblót verður haldið 23. apríl, kl. 14:00 í Hofi félagsins í Öskjuhlíð.

Víkingafélagið Rimmugýgur bregður á leik, grillar pylsur og boðið verður upp á kaffi og ávexti.

Blaðrarinn mætir og útbýr blöðrudýr fyrir börnin sem fá einnig sumargjöf frá félaginu.

——

Sigurblót við Blöndalsbúð á Fljótsdalshéraði.

Sigurblót ásatrúarmanna fer fram sumardaginn fyrsta, 23. apríl, við Blöndalsbúð í Eyjólfsstaðaskógi og hefst kl. 17:00.

Goðapilsur verða grillaðar á eld pönnu goðans eins og venjulega. Fólk mæti með það úr búi sínu sem hverjum og einum hentar að hafa með kaffi eða á grillið.

Freysgoði helgar blótið.

——

Sigurblót á Hamarkotstúni á Akureyri.

Sigurblótið á Akureyri er haldið á Hamarkotstúni sumardaginn fyrsta, þann 23. apríl klukkan 14:00.

Blótið er sérstaklega helgað Frey og Freyju, vönum og goðum lífs og frjósemi jarðar.

Sigurður Mar Svínfellingagoði helgar blótið. Öll velkomin.

——

Sigurblót á Leirá í Leirársveit.

Sigurblót á Leirá, föstudaginn 23. apríl kl. 14:00. Hittumst í sumarbyrjun, blótum Frey og fögnum saman.

Þóraldi mælti: Þat er yðr satt at segja, konungr, ef ek skal segja sem er, at inn um Þrándheim er náliga alt fólk alheiðit í átrúnaði, þótt sumir menn sé þar skírðir. En þat er siðr þeirra, at hafa blót á haust ok fagna þá vetri, annat at miðjum vetri, en hit þriðja at sumri, þá fagna þeir sumri.

Kveðjur frá Leirárgoða.

Erindi Guðmundar Steins Gunnarssonar um háttatalið/tónverkið Clavic Metrica var vel sótt á laugardaginn eins og sjá má á myndum.

Opnunartími Ásatrúarfélagsins yfir páskatímann.

Þórsdagur 2. apríl – Lokað

Freyjudagur 3. apríl – Lokað

Laugardagur 4. apríl – Opið hús frá kl. 14-16 (með fyrirvara um færð að hofinu).

Sunnudagur 5. apríl – Lokað

Mánudagur 6. apríl – Lokað

Týsdagur 7. Apríl – Skrifstofan opnar aftur á hefðbundnum tíma frá kl. 13-16.

Leshópurinn rýnir í Lokasennu. Það er partí hjá Ægi en Loka var ekki boðið, svo Loki fríkar út og er með dólgslæti.

Dr. Teresa Dröfn Freysdóttir Njarðvík leiðir umræðuna.