Fréttir

Það verður ekkert opið hús laugardaginn 29. júní vegna framkvæmda. Sjáumst að viku liðinni.

Við minnum á Þingblótið okkar á morgun á Þingvöllum sem hefst stundvíslega kl 18:30. Safnast verður saman kl 18:00. Veðurspáin lítur vel út!

Hér má lesa meira um blótið:

Þingblót á Þingvöllum 27. júní kl 18:00.

Opna húsið verður á sínum stað laugardaginn 22. júní. Allir velkomnir í spjall og kaffi á könnu!

Minnum á opna húsið á morgun laugardag frá kl 14-16.. Kaffi á könnu og allir velkomnir í heimsókn!

Á Þórsdegi í 10. viku sumars þann 27. júní næstkomandi verður að venju blótað á Þingvöllum með glæsibrag.

Blótið verður mikið hátíðarblót með innsetningu tveggja nýrra goða í embætti.
Safnast verður saman kl 18:00 og gengið að Lögbergi í Almannagjá. Athöfnin hefst þar stundvíslega kl 18:30.

Í kjölfar blóts verður boðið upp á grillveislu og með því.

Þið eruð að sjálfsögðu öll velkomin að mæta og taka þátt í fögnuðinum!

Sumarsólstöðublót Grundarfirði verður haldið miðvikudaginn 19. júní, fyrir utan Sögumiðstöðina. Jónína Þórsnesgoði helgar blótið kl 20:00. Fögnum sól og sumarbirtu.

Lyftum horni til heilla goðum og góðum vættum, til heilla sólinni og til góðs árferðis og friðar.

Öllum er velkomið að mæta, hvort sem fólk er í félaginu eða ekki.

Boðið verður uppá kaffi, drykki og meðlæti í Sögumiðstöðinni að blóti loknu og í leiðinni höldum við opinn fund um það sem efst er á baugi hjá Ásatrúarfélaginu og svo hvernig við viljum sjá félagsstarfið og viðburði þróast hér á Vesturlandinu.

Eins og venjulega er opið hús á morgun laugardag í hofinu okkar í Öskuhlíð. Allir velkomnir og kaffi á könnunni!

Vorblót í Vopnafirði fer fram við Einbúa 9. júní sem er við gatnamótin að Skjaldþingsstöðum og hefst kl. 16:00. Kaffi hjá Ingvari á Skjaldþingsstöðum eftir blót. Allir velkomnir.