Fréttir

Tvær nýjar bækur voru að berast okkur frá bókaútgáfunni Hyldyr og eru nú til sölu í hofinu ásamt eldri titlum.

Annars vegar er um að ræða bókina Mjölnir og hins vegar bókina Earth Wounds. Hér er smá lýsing á hvorri bók fyrir sig:
—–

Earth Wounds:
Hér er á ferðinni framsækin bók sem á myndrænan hátt sýnir endursköpuð heiðin kuml á norðurlöndum út frá fornleifafræðilegu samhengi. Allmargar ljósmyndir má finna af leikurunum Kevin Alexandrowicz og Devon Rawlings í hlutverki fólks sem lagt var til hinar hinstu hvílu í kumlum. Inngang rita fornleifafræðingarnir doktor Lezsek Gardela sem er einn fremsti sérfræðingur í fornleifafræði víkingaaldar og Giorgia Sottotetti sem starfar hjá Þjóðminjasafni Íslands.
—–

Mjölnir:
Á víkingaöld var hamar Þórs áberandi og vel þekktur og er vísað til hans oft í fornkvæðum, en einnig má finna rúnaáletranir og þórshamra í fornleifafræðilegu samhengi. Í bókinni Mjölnir er hamarinn skoðaður frá fræðilegu samhengi með þverfaglegri nálgun og rætt er um ýmis dæmi úr sögulegum heimildum. Bókin er skrifuð af þjóðfræðingnum Joseph S. Hopkins, myndskreytt af listakonunni Jacqui Alberts Lund og inngang ritaði fræðimaðurinn doktor Katherine Beard sem útskrifaðist með meistaragráðu í norrænni trú frá Háskóla Íslands árið 2019, en lokaverkefni hennar fólgst í því að rannsaka Mjölni og kortleggja fundarstaði hans.
—–

Við höfum einnig fengið áfyllingu af eldri titlum frá Hyldir og eru eftirfarandi bækur nú til sölu hjá okkur í hofinu:

Earth Wounds
Galdrastafir
Mjölnir
The Galdrabók
The comparative Hávamál
The comparative Sigrdrífumál
The comparative Völuspá
The Younger Futhark

Hægt er að versla bækur og aðra muni á skrifstofutíma milli kl. 13-16 á virkum dögum og á opnu húsi á laugardögum milli kl. 14-16. Verð og aðrar upplýsingar um söluvörur má nálgast í síma 861-8633 á skrifstofutíma.

Við getum einnig sent söluvörur með pósti en til að hefja söluferlið þá er best að senda póst á skrifstofa@asatru.is með upplýsingum um þær vörur sem óskað er eftir ásamt heimilisfangi.

Fyrir áhugasama bókaunnendur utan landsteina þá bendum við á heimsíðu Hyldir, https://www.hyldyr.com/ þar sem hægt er að nálgast áðurnefnda titla í vefverslun.

Gróðurblótið fór fram að Mógilsá við Esjurætur á laugardaginn.

Það var vel mætt og góð stemming þrátt fyrir lítils háttar vætu mestallan daginn. Blótið hófst kl. 14:00 í kjölfar útivistartíma með siðfestukrökkum og fjölskyldum.

Hér eru nokkar myndir af blótinu.

Myndir frá blóti við Grýluvog í Flatey á Breiðafirði sl. laugardag.

Anna Leif Leirárgoði helgaði blótið.

Vorblót í Vopnafirði fer fram sunnudaginn 31. maí við Einbúa sem er við gatnamótin að Skjaldþingsstöðum og hefst kl. 16:00.

Kaffi og spjall á eftir.

Allir velkomnir.

Við minnum á Gróðurblótið að Mógilsá, laugardaginn 30. maí kl 14:00.
Alda Vala Ásdísardóttir helgar blótið og í kjölfarið verður grillað og spjallað saman fram eftir degi í fallegu umhverfi.

Grillaðar pylsur með meðlæti, ásamt ávaxasafa, vatni og kaffi.

Munið að klæða ykkur eftir veðri þótt alltaf sé skjól í skóginum.

Öll velkomin!

——————————

Staðsetning: Mógilsá er við Þjóðveg 1, innst í Kollafirði. Beygt er af Þjóðveginum við Esjustofu og strax til hægri. Eftir spölkorn á afleggjaranum meðfram tjörninni er heimreiðin að Mógilsá á vinstri hönd.

Anna Leif Leirárgoði helgar blót við Grýluvog í Flatey á Breiðafirði 23. maí næstkomandi. Blótið hefst kl. 14:00.

Við fögnum sumri og vaxandi tungli.

Það er öllum frjálst að mæta í kaffi, spjall og handverk í hofið okkar í Öskjuhlíð þriðjudagskvöldið 19. maí.

Það er mikið um að vera 16. maí en við verðum að sjálfsögðu með opna húsið á sínum stað í hofinu í Öskjuhlíð frá kl. 14:00-16:00.

Sjáumst í kaffispjalli.