Af óviðráðanlegum orsökum er opna lögréttufundinum sem halda átti þann 3. september, frestað. Dagsetning fundarins verður birt hér síðar.
Sumarblót verður haldið í fjörunni í Selárdal einmitt þar sem listamaðurinn með barnshjartað sótti efni í sínar ævintýrahallir. Blótið er helgað Iðunni og Frey, enda tími uppskerunnar framundan.
Allir velkomnir. Kaffi á eftir.
Hið árlega Njarðarblót í Suðurlandsgoðorði verður haldið í lystigarðinum við Fossflöt í Hveragerði sunnudaginn 31. júlí kl. 13:00. Safnast verður saman fyrir framan lystigarðinn, á horni Breiðamerkur og Skólamerkur. Haukur Bragason Lundarmannagoði mun helga blótið Nirði.
Allir eru velkomnir, félagsmenn sem aðrir.
Sumarblótinu á Grundarfirði verður frestað fram eftir sumri. Nánari dagsetning verður tilkynnt hér innan bráðar.
Þá er komið að skógarblótinu sem mun eiga sér stað við Þórshamarinn í Öskjuhlíð. Boðið verður upp á kakó og kaffi ásamt einhverju bakkelsi. Óskar Bjarni Skarphéðinsson mun kveða úr Völuspá. Allir velkomnir en athöfnin hefst kl 21:00.
Loksins er komið að þingblótinu okkar eftir 2 ára hlé. Þriðjudaginn 21. júní verður sólstöðum fagnað með blóti á Þingvöllum. Athöfnin hefst kl 18:30 í Almannagjá og að henni lokinni verður boðið upp á grillaðar pulsur ásamt drykkjum. Allir velkomnir.
Þá er komið að því!
Alda Vala, Hvammverjagoði, mun standa fyrir gróðurblóti að Mógilsá (skógræktarstöðinni við Esjurætur), laugardaginn 28. maí nk. klukkan 14.
Það verður boðið upp á grillaðar pulsur ásamt gosi og kaffi. Allir velkomnir.
Eggjaleitin verður á sínum stað fyrir börnin.
Hlökkum til að sjá ykkur!
Jólablót í Öskjuhlíð á vetrarsólstöðum 21. desember.
Við fögnum hækkandi sól við styttuna af Sveinbirni Beinteinssyni kl. 18:00.
Verið velkomin og munið eftir grímunum.
Ásatrúarfélagið
Landvættablót Ásatrúarfélagsins verða haldin miðvikudaginn 1. desember 2021. Blótin verða öll haldin kl 18:00.
– Garðskagaviti á Reykjanesi: Landvættur Suðurlands, bergrisinn, hylltur.
– Jónsgarður á Ísafirði: landvættur Vesturlands, griðungurinn, hylltur.
– Hamarskotstún á Akureyri: landvættur Norðurlands, örninn, hylltur.
– Á Austurlandi: landvættur Austurlands, drekinn, hylltur.
– Þingvellir: sameiningarblót landshluta.
Allsherjarþing fyrir starfsárin 2019-2020 og 2020-2021 verður haldið í sal Flugvirkjafélags Íslands, Borgartúni 22, laugardaginn 30. október nk. kl. 14:00.
Verkefni þingsins eru þessi:
1. Skýrsla lögréttu, borin upp til umræðu og staðfestingar.
2. Reikningar lagðir fram til umræðu og til staðfestingar.
3. Lagabreytingar og aðrar tillögur.
4. Kosið í lögréttu.
5. Kosning skoðunarmanna reikninga, nefnda og í aðrar trúnaðarstöður.
6. Önnur mál