Leit á asatru.is:

Athafnir
Félagsstarf
Ásatrú
Kvæði og fræði
Myndir
Horfa/hlusta

Goðafundur 13. janúar 2011

Mættir Hilmar, Jóhanna, Haukur en Jónina komst ekki til fundar


Þorrablót, bóndadag 21. jan.

Rætt stuttlega um dagskrá blótsins og hugsanlega aðkomu Árna Björnssonar, en hann mun að öllum likindum fjalla um blót til forna. (Er þetta er ritað er vitað að hann kemur ekki). Haukur stakk upp á að settar yrðu fastari skorður á hlutverk goðanna á blótum þannig að menn rækjust ekki hver á annan. Hilmar og Jóhanna mjög sammála því, enda rætt áður.

Að þessu sinni ákváðu goðar að hafa aðkomu sína þannig á þorrablótinu: Hilmar: nefnir til vættir, lýsir helgi og kveður úr Sigurdrífumálum (helgar blót) Haukur: Heilsar áttum og frumkröftum öllum Johanna: heilsar Þorra og flytur nokkur orð um þorrann Hilmar signir mat og boðið er til blóts.


Vinnuhelgi

Hilmar talaði um að taka vinnuhelgi til að fara yfir siðina og var mjög vel tekið í það, en ekki er fyrirsjáanlegt í náinni framtíð að finnist ráðrúm til þess vegna anna. A.m.k. var því frestað að reyna að finna stund að þessu sinni vegna fundaherferðar og fleira, en þó að hafa þetta í huga og reyna slíkt fyrir vorið.


Annað

Jóhanna ræddi aðeins undirbúning með væntanlegum brúðhjónum og Mógilsárblót sem Haukur ætlar að koma að. Rætt aðeins um goða og goðaefni úti á landi, Ragnar mun verða fyrir sunnan aðra helgi og verður þá haldinn goðafundur og boðaður þegar vitað er betur um ferðir hans. Fleira ekki gert enda opið hús byrjað og mannfjöldi kominn í húsið.

JH