Leit á asatru.is:

Athafnir
Félagsstarf
Ásatrú
Kvæði og fræði
Myndir
Horfa/hlusta

Goðafundur 17. september 2013

Goðafundur haldinn 17 sept í Síðumúla
Mættir: Hilmar, Jónína og Jóhanna, Haukur og Baldur boðuðu forföll

1.
Þar sem mæting var ekki góð var farið í að ræða aðallega undirbúning að „stórum“ goðafundi á næstunni. Jóhanna og Baldur hafa aðeins verið að reyna að finna stað og stund fyrir fund á Austurlandi en ekki komin endanleg niðurstaða í málið. Líklegt er að helgin 5. til 6. okt. verði fyrir valinu ef húsrými fæst en samkv Baldri á það að ganga upp. Rætt um að fá nýju goðaefnin með á fundinn, þeas Öldu Völu og Sigurð Mar.

2.
Greiðslur vegna athafna. Vaxandi óánægju gætir vegna greiðslna fyrir athafnir meðal goðanna. Vinnan er mikil og afraksturinn vægast sagt lélegur.  Ástæða þótti til að reyna að laga hlut goðanna án þess að kostnaður á félagið sjálft ryki upp úr öllu valdi og því rætt að koma á vægu gjaldi fyrir athafnir.
a) hjónavígslur vegna útlendinga eru fyrir neðan allar hellur þar sem goðar hafa verið að taka 20-25 þúsund fyrir  athöfnina og síðan kílómetragjald eða jafnvel samið um bensínkostnað undir taxta. Öll sammála um að það sé LÁGMARK að taka 30.000 fyrir athöfnina, fast kílómetragjald og kostnað vegna skráninga hjá Þjóðskrá. Ljósmyndarar eru að rukka um 50-100 þúsund auk kílómetragjalds við sömu athafnir.
b) Siðfestuathafnir eru skást greiddar og veitir ekki af vegna þess undirbúnings sem þær krefjast. Ekki þykir goðum almennt fýsilegt að safna þeim öllum saman, en þó sé æskilegt að benda siðfestufólki á blótin sumardaginn fyrsta og á Þingvöllum. Kjósi siðfestufólk að hafa 
einkaathöfn greiði það 10.000 krónur til félagsins auk kílómetragjalds til goða.
c) Nafngjöf eru goðar sáttir við og finnst eðlilegt að félagið greiði það að fullu, spurning um hvort það eigi að vera 20 eða 25 þúsund.
d) Innlendar hjónavígslur þarf að hækka upp í 25.000. Fundarmönnum fannst tími til kominn að félagsmenn greiddu hluta athafnarinnar  (10.000 ) auk ferðakostnaðar goða.
Þetta verður tekið fyrir á goðafundi í oktober

3.
Siðmál og siðfesta. Ræddum aðeins heiti siðfestuathafnarinnar. Endanlega er komið í ljós að “manndómsvígsla” er út úr myndinni og átti aldrei upp á pallborðið hjá goðum eða siðfestufólki. Siðmál sækja hins vegar á og það þyrfti að ræða aftur þar sem að þessari athöfn vex fiskur um hrygg og betra að breyta núna en síðar.

Fleira ekki gert og fundi slitið þegar lögréttufólk fór að mæta á næsta fund kl. 18.30