Skip to main content

Goðafundur 5. mars 2009

Mættir: Jóhanna, Jónína og Árni. Hilmar boðaði forföll en var í símasambandi.

Trúarbragðakennsla í Háskóla Íslands

Erindi hafði borist frá Jóhannesi Leví varðandi trúarbragðakennslu í Háskóla Íslands en þar fellur Ásatrú undir þjóðfræðideild en ekki kennd sem trúarbragðafræði. Jóhannesi fannst þetta niðurlægjandi fyrir þar sem Ásatrúarfélagið sé trúfélag. Þetta áður rætt aðeins á netinu og sýndist sitt hverjum um það á hvorum staðnum ásatrúnni væri betur borgið. Goðarnir allir sammála um það að við séum vissulega trúfélag og flokkum okkur sjálf sem slíkt og að það skipti okkur öllu máli hvernig sem á það sé litið. Goðar félagsins eigi að leggja allt kapp á að áhersla sé á trúarlegum þætti félagsins, enda er það undirstaðan. Jóh, taldi mikilvægt að í þessu máli kæmu goðarnir fram sem hópur til að sýna samstöðu innan félagsins. Jónína sagði starfið innan trúarbragðafræðinna í HÍ enn í mótun en það væri engu að síður full ástæða til að koma þessu sjónarmiði á framfæri. Var Hilmari falið að hafa samband við Bjarna Randver og benda honum á stöðu ásatrúar í samfélaginu til að hafa áhrif á framtíðaráherslur í trúarbragðafræðinni.

Áætluð blót á næstu misserum.

Nokkur blót eru þegar ákveðin, blót verður að vanda sumardaginn fyrsta í Reykjavík. Mógilsárblót verður síðasta laugardag í maí. Stefnt er á sumarsólstöðublót, það verður í Kjarnaskógi á Akureyri. Þá verður Þingblót á Þingvöllum týsdag í 10. viku sumars. Jónina stefnir á blót á vorjafndægrum. Á Fljótsdalshéraði verður blót á sumardaginn fyrsta. Þá verður einnig blót á Hornafirði 4. júlí. önnur blót eru í undirbúningi eins og á Seyðisfirði og Neskaupsstað en ekki dagsett ennþá.

Önnur mál

a) Jóhanna minnist á vinnufundinn sem halda átti í febrúar en eki náðist að fá Baldur suður, ekki yrði lengur beðið með þessa vinnu. Ákveðið var að halda vinnufundinn laugardaginn 14. mars kl. 9:00 og reyna þá að ljúka við texta í bæklinga félagsins.

) Árni vill gjarna sjá yfirlýsingu frá Hofnefnd á netinu, einhvers konar stöðumat í hofbyggingarmálum. Félagsmenn vita ekkert og litlu hægt að svara þegar spurt er, en það er óþolandi staða fyrir alla.

c) Jóhanna spurði hvort eitthvað væri vitað um framkvæmdir í Hveragerði en Ásatrúarfélagið hefur i fjölmiðlum verið orðað við þær. Enginn veit til að félagið sé í nokkru samstarfi við þá sem þar eru að koma sér fyrir en staðurinn er greinilega í uppbyggingu sem túristastaður og hrein og klár viðskiptahugmynd sem tengist félaginu á engan hátt.