Leit á asatru.is:

Athafnir
Félagsstarf
Ásatrú
Kvæði og fræði
Myndir
Horfa/hlusta

Lögrétta 11. desember 2012

Fundur í Lögréttu 11. desember 2012.
Fundur settur í Síðumúla kl. 18:30.
Mættir lögréttumenn: Sigurlaug, Bjarki, Hrafnhildur, Hulda Sif, Lenka, Hilmar Örn, og Jóhanna.
Auk þess goðarnir: Haukur og Jónína.
Hallur lögsögumaður boðaði forföll. Staðgengill hans, Sigurlaug, stýrir fundi.

 

I. Yfirlýsing á vef um afstöðu til kynþáttahyggju

Bjarka falið að leggja fram drög að texta fyrir næsta lögréttufund. Áhersla verði lögð á hvað félagið stendur fyrir fremur en hvað það stendur ekki fyrir.


II. Staðgengill Vestfirðingagoða

Samþykkt að Laufey, staðgengill Eyvindar Vestfirðingagoða, fái öll sömu fundarboð, tilkynningar, aðstöðu og upplýsingar og goðar félagsins almennt fá meðan hún sinnir embættisskyldum fyrir hann.
 

III. Ósk um salarleigu 12. janúar

Salurinn hefur þegar verið bókaður til kl. 14 undir fyrirlestur og er því laus í fyrsta lagi frá kl. 17. Unnt er að verða við óskinni ef sá tími dags hentar.
 

IV. Kostnaður við smíði nýs vefs á asatru.is

Hulda Sif lagði fram gögn. Lögréttu þykir verkið hafa reynst dýrara en áætlanir gerðu ráð fyrir og efni standa til en sér ekki að unnt sé að bregðast við því þar sem viðskiptum við verksala er lokið. Viðhald vefsins er nú alfarið í umsjón vefnefndar lögréttu og kostar sú vinna félagið ekki neitt.
 

V. Jólablót og þorrablót

Búið er að auglýsa blótin í Vorum sið. Undirbúningur gengur samkvæmt áætlun. Happdrættismiðarnir eru tilbúinir. Á fundinum var hringt í Óttar Ottósson og hann beðinn að annast veislustjórn, hvað hann samþykkti. Jóhanna tekur að sér að finna veislustjóra fyrir þorrablót. Enn er ekki búið að festa sal undir þorrabótið en það ætti að skýrast á næstu dögum.

Fleira ekki gert og fundi slitið kl. 20:05.