Leit á asatru.is:

Athafnir
Félagsstarf
Ásatrú
Kvæði og fræði
Myndir
Horfa/hlusta

Lögrétta 6. maí 2020

 
Mætt eru:  Óttar Oddsson, Ásdís Elvarsdóttir, Hilmar Örn Hilmarsson, Jóhanna Harðardóttir, Jóhannes Levy, Þorbjörg Elfa Hauksdóttir, Martin Wuum, Silke Schurack og Alda Vala Ásdísardóttir.  Teresa Dröfn Freysdóttir Njarðvík tekur þátt í fundinum gegnum Messenger.

Fundur er settur kl. 17.38

1. mál – Lögrétta
Síðasti fundur Teresu í Lögréttu, henni er þakkað fyrir góð störf.  Ásdís tekur við sem ritari og Jóhannes kemur inn sem aðalmaður.

2. mál – Næsti fundur Lögréttu er ákveðinn 10. júní

3. mál – Ráðningarsamningur nýs starfsmanns
Lögð voru fram drög að ráðningarsamningi við nýjan starfsmann félagsins.  Samningurinn verður endurskoðaður áður en gengið verður frá fastráðningu að loknum reynslutíma.

4. mál – Tölvukaup
Lagt er til að keypt verði ný tölva á skrifstofu.  Ákveðið að taka hagstæðu tilboði frá Kísildal.

5. mál – Samfélagsmiðlar
Hafin er vinna við endurskipuleggja samfélagsmiðla félagsins og virkja fleiri.  Ný heimasíða er langt komin.

6. mál – Vor siður og dagatöl
Vor siður og dagatöl eru komin úr prentun.  Dagatöl verða send út á næstu dögum (7. maí) en VS verður sendur út eftir pöntunum gegn gjaldi.  Prentuð voru  500 eintök af VS og 4.100 dagatöl. 
Ef eintök verða afgangs af dagatölum bjóðum við utanfélagsmönnum að njóta gegn gjaldi.

7. mál – Fjárhagur
Fyrir liggur að gera þarf nýjan samning við verktaka við Hofbyggingu.  Það liggja fyrir drög að samningi sem er nú í endurskoðun en verður væntanlega gengið frá á næstunni.  Endanleg útgáfa verður send Lögréttu til samþykktar í tölvupósti.

8. mál – Flutningar
Vinna er hafin við frágang gáma fyrir skrifstofuhúsnæði og stefnt er á að einhver starfsemi verði flutt á næstu vikum. Skemmdarverk hafa verið unnin á byggingasvæðinu, ákveðið var að tilkynna málið lögreglu.

9. mál – Samkomur
Ekki er hægt að taka ákvörðun um þingblót að svo stöddu.  Aukafundur um þingblót verður haldinn 27. maí.

Fundi slitið kl. 19.20

Allir viðstaddir skrifa undir fundargerðina.