Lögrétta

Lögrétta er æðsta ráð og jafnframt framkvæmdastjórn Ásatrúarfélagsins. Lögsögumaður er formaður hennar og framkvæmdastjóri félagsins. Í henni sitja fimm almennir félagsmenn kjörnir af allsherjarþingi auk tveggja varamanna. Þá eiga sæti í lögréttu allsherjargoði og einn fulltrúi sem goðar tilnefna úr sínum röðum. Allir goðar hafa rétt til setu á fundum lögréttu með málfrelsi og tillögurétti. Hver lögréttumaður fer með eitt atkvæði. Lögréttumenn kjósa úr sínum röðum lögsögumann og staðgengil hans, ritara og gjaldkera.

Lögrétta kemur saman fyrsta sunnudag eftir allsherjarþing og síðan að jafnaði mánaðarlega. Fyrsta laugardag í mars og fyrsta laugardag í september eru haldnir fastir lögréttufundir sem öllum almennum félagsmönnum er heimilt að sitja.

Lögsögumaður gegnir hlutverki framkvæmdastjóra félagsins. Hann varðveitir skjöl og lagatexta. Hann kallar saman fundi, stýrir þeim eða skipar fundarstjóra. Lögsögumaður getur í umboði lögréttu kallað menn til verka í þágu félagsins. Honum er skylt að boða til fundar óski að minnsta kosti tveir lögréttumenn þess.

Starfandi lögrétta

Teresa Dröfn Freysdóttir Njarðvík – lögsögumaður (kosin 2025 til tveggja ára)
Unnar Reynisson – staðgengill lögsögumanns (kosinn 2024 til tveggja ára)
Bjarki Karlsson – ritari (kosinn 2025 til tveggja ára)
Jónas Eyjólfsson – gjaldkeri (kosinn 2025 til tveggja ára)
Jóhannes Levý – meðstjórnandi (kosinn 2024 til tveggja ára)

Ásdís Eddu Elvarsdóttir – 1. varamaður í stjórn (kosin 2025 til eins árs)
Hugrún Lilja Jóhannsdóttir – 2. varamaður í stjórn (kosin 2025 til eins árs)

– – –
Hilmar Örn Hilmarsson – Allsherjargoði (á fast sæti sem slíkur)
Sigurður Mar Halldórsson – Svínfellingagoði (tilnefndur af goðahópi)

Jökull Tandri er staðgengill Hilmars allsherjargoða.