Hið árlega völvublót verður haldið við völvuleiðið á Hólmahálsi þann 16. ágúst næstkomandi og mun Baldur Freysgoði helga blótið um kl. 15:00.
Öll áhugasöm um voran sið eru velkomin en minnt er á að allar athafnir fara fram utandyra og því er fólk beðið um að klæða sig eftir veðri.
Eftir blótið verður svo boðið í kaffi og spjall á Reyðarfirði en nánari staðsetning verður útlistuð við blótslok. Blótsgestir eru beðnir um að koma með eitthvað smávegis með kaffinu en í boði verður kaffi, kakó, mjólk og sykur (já og örugglega eitthvað gott te).
