Á dögunum birti The European Correspondent stutta grein um tengingu nasista við heiðin tákn og hugmyndafræði og tilraunir öfgahægrihópa til að nýta ásatrú sér til framdráttar.
Í greininni ræðir blaðakona við þau Sophie Bønding við háskólann í Stokkhólmi, Einar Selvik úr hljómsveitinni Wardruna og Hauk Bragason goða Ásatrúarfélagsins.
Öll eru þau á því máli, ásamt þeim fræðimönnum sem vitnað er til í greininni, að ásatrú snúist um virðingu fyrir öllu fólki og að hugmyndafræði hennar gangi þvert á málflutning kynþáttahyggjuhópa.