Jólablót á Safnasvæðinu á Akranesi kl. 18:00.
Anna Leif Leirárgoði og Jóhanna Kjalnesingagoði helga blótið. Jóhanna segir okkur jólasögu heiðingja og síðan verður boðið upp á léttar veitingar í Stúkuhúsinu í kjölfar blóts.
Jólablót í Þingskálum í hornafirði kl. 14:00.
Vetrarsólstöður verða sunnudaginn 21. desember. Þeim verður fagnað með blóti í Þingskálum og blótgestum boðið í bæinn eftir blót. Guðlaug Elísabet Ólafsdóttir Þingskálagoði helgar blótið.
Jólablót í Ásheimum í Skagafirði kl. 18:00.
Árni Sverrisson Hegranesgoði helgar blótið. Grillið verður heitt og gosið kalt. Taka með sér á grillið, verkfæri á staðnum.
Jólablót á Ráðhústorginu á Akureyri kl. 18:00.
Ragnar Ólafsson Þveræingagoði helgar blótið en að því loknu verður boðið upp á kakó og smákökur.
Jólablót fer fram á vetrarsólstöðum 21. desember við Ferjusteina (við Lagarfljótsbrú) og hefst kl. 18:00.
Baldur Freysgoði helgar blótið. Að blóti loknu er boðið til Pálínuboðs í Fjárhúsunum Kauptúni 3. Fellabæ.
Jólablót í Öskjuhlíð í Reykjavík kl 18:00.
Jólablót Ásatrúarfélagsins í Reykjavík verður haldið kl. 18:00 í hofskálinni í hofi Ásatrúarfélagsins. Best er að koma tímanlega gangandi frá Nauthólsvík. Í kjölfar blóts verður haldið til blótveislu í Sal Garðyrkjufélags Reykjavíkur (miðasala auglýst sérstaklega og hefst þriðjudaginn 9. desember).
