Ásatrúarfélagið

Landvættablót voru haldin í öllum landshlutum kl 18:00 þriðjudaginn 1. desember 2020.

Blót bergrisans var haldið á Suðurlandi af Hauki Bragasyni.
Blót griðungsins var haldið á Vesturlandi af Elfari Loga Hannessyni.
Blót arnarins var haldið á Norðurlandi af Sigurði Mar Halldórssyni.
Blót drekans var haldið á Austurlandi af Baldri Pálssyni.
Síðast en ekki síst var sameiningarblót haldið í Öskjuhlíð af Jóhönnu Harðardóttur.

Vegna fjöldatakmarkana voru blótin ekki auglýst og því engir blótgestir á staðnum eða blótveislur í kjölfarið svo blótin voru alls ekki með hefðbundum hætti og söknuðu goðar þess mikið.
Blótum á Vestfjörðum og úr Öskjuhlíð var streymt og eru þau á Facebook-síðunum ‘Vestfjarðagoðorð’ og ‘Hléseyjarblót’. 

Sjá nánar á Fésbókarsíðu félagsins.

Landvættablót voru haldin í öllum landshlutum kl 18:00 þriðjudaginn 1. desember 2020.

Blót bergrisans var haldið á Suðurlandi af Hauki Bragasyni.
Blót griðungsins var haldið á Vesturlandi af Elfari Loga Hannessyni.
Blót arnarins var haldið á Norðurlandi af Sigurði Mar Halldórssyni.
Blót drekans var haldið á Austurlandi af Baldri Pálssyni.
Síðast en ekki síst var sameiningarblót haldið í Öskjuhlíð af Jóhönnu Harðardóttur.

Vegna fjöldatakmarkana voru blótin ekki auglýst og því engir blótgestir á staðnum eða blótveislur í kjölfarið svo blótin voru alls ekki með hefðbundum hætti og söknuðu goðar þess mikið.
Blótum á Vestfjörðum og úr Öskjuhlíð var streymt og eru þau á Facebook-síðunum ‘Vestfjarðagoðorð’ og ‘Hléseyjarblót’.

Sjá nánar á Fésbókarsíðu félagsins.

Nú fer jólahátíðin að nálgast og því ekki úr vegi að fara að huga að gjafahugmyndum. Á skrifstofu Ásatrúarfélagsins má m.a. nálgast til kaups bókina “Sólstafir, sagan um Frey og Gerði – Heiðin jólasaga fyrir börn á öllum aldri”. Höfundur er Jóhanna Harðardóttir, Kjalnesingagoði, og bókin er myndskreytt teikningum eftir Almar S. Atlason.

Bókin kostar kr. 3500 og ágóði af sölu hennar rennur í hofsjóð.

Engar samkomur verða á vegum félagsins að svo stöddu.  Gildir það einnig um opið hús á laugardögum.  Breytingar verða tilkynntar á vefmiðlum okkar. 

Minnum á að skrifstofan er opin virka daga milli kl. 12:30-16:00.

UPPFÆRT 20/10 2020: Kynningarfundur vegna siðfestu mun verða haldinn eftir að núverandi takmörkunum verður aflétt, þ.e. eftir 3. nóvember. Nánari upplýsingar berast síðar.

Næsta vetur býður Ásatrúarfélagið að venju upp á fræðslu fyrir siðfestuathafnir (heiðna fermingu).

Kynningar- og skráningarfundur verður laugardaginn 24. október nk. að Síðumúla 15. Honum verður þrískipt í ljósi núverandi samkomutakmarkana og hámark 20 manns sitja hvern fund.

Fundirnir verða haldnir kl. 11, kl. 12 og kl. 13 og eru siðfestubörn og foreldrar/forráðamenn þeirra velkomin.

Skrá hér á kynningu kl. 11

Skrá hér á kynningu kl. 12

Skrá hér á kynningu kl. 13

Skráning í sjálfa siðfræðsluna er þegar hafin og verður opin út desember. Skráð er í gegnum þetta form 

Sjá viðburðinn á Facebook

Lögrétta hefur ákveðið að fresta Allsherjarþingi um óákveðinn tíma.

Samkvæmt lögum og starfsreglum Ásatrúarfélagsins skal það haldið fyrsta laugardag eftir fyrsta vetrardag, sem að þessu sinni er 31. október.

Af velþekktum ástæðum telur Lögrétta ekki verjandi að stefna heilsu félagsmanna í hættu með svo fjölmennum fundi, en mun tilkynna dagsetningu Allsherjarþings strax og aðstæður leyfa.

Fjallað er um boðun og framkvæmd Allsherjarþings í 5. og 25. grein laga og samþykkta félagsins, sem sjá má hér.

Opinn lögréttufundur kl. 14:00 laugardaginn 5. september nk.,  Síðumúla 15.
Fundarefni: umræða um Voran sið, fjarfyrirlestra og hof.
Allir félagsmenn Ásatrúarfélagsins velkomnir.

Sjá viðburð á Facebook-síðu félagsins.

Tímarnir hafa sannarlega verið skrýtnir þetta árið.  COVID-19 hefur breytt daglegu lífi svo um munar og margt hversdagslegt hefur legið í dvala.  En nú birtir til þó svo skammdegið sé á næsta leyti!
Reglubundnir viðburðir á borð við leshópshitting, handverkskvöld og opið hús eru komnir aftur á dagskrá og má sjá viðburði á Facebook-síðu félagsins og handverkshópsins.

• Opið hús sérhvern laugardag milli kl. 14-16
• Leshópur sérhvern miðvikudag milli kl. 20-22
• Handverkshópur hittist 3. þriðjudag hvers mánaðar. Þar að auki eru sérnámskeið haldin af og til. 

Með því að smella hér er hægt er að panta útprentað eintak af ársriti Ásatrúarfélagsins 2020.
Einnig geta félagsmenn sótt blaðið á skrifstofu félagsins, í Síðumúla 15, sér að kostnaðarlausu.
Lágmarkskostnaður við sendingu er kr. 1500 en félagsmönnum býðst að velja hærri upphæðir og mun allur ágóði fara í hofssjóð.

PDF-útgáfa af blaðinu verður aðgengileg á nýrri heimasíðu Ásatrúarfélagsins von bráðar. 

?