Ásatrúarfélagið

13. desember.
Stefán Pálsson ætlar að halda erindi í hofinu á morgun laugardag um útgáfusögu Goðheimabókanna.

Nánar hér: https://asatru.is/godheimahringnum-lokad-fyrirlestur-13-desember/

Húsið opnar kl. 14:00 og er öllum frjálst að mæta.

Ókeypis aðgangur.

Fyrirlestrinum verður einnig streymt á facebook-síðu félagsins.

14. desember.
Ása Hlín Benediktsdóttir mætir til okkar og kynnir bókina Hallormsstaðaskógur: söguljóð fyrir börn með upplestri en bókin sækir m.a. í norræna goðafræði.

Hver veit nema lagarfljótsormurinn verði með í för?

Þá bjóðum við einnig upp á jólaföndur fyrir börnin, þar sem við málum köngla og föndrum saman, boðið verður upp á heitt kakó og piparkökur.

Aðgangur er ókeypis og öllum frjálst að mæta. Húsið opnar klukkan 14:00

Jólablótsveisla Ásatrúarfélagsins 2025 verður haldin í sal Garðyrkjufélags Íslands við Síðumúla 1 (gengið inn frá Ármúla) á vetrarsólstöðum sunnudaginn 21. desember næstkomandi.

Húsið opnar kl. 19:00.

Minnum á að tryggja sér miða sem fyrst þar sem takmarkaður fjöldi sæta er í boði. Miðasölu lýkur föstudaginn 19. desember kl. 16:00.

Blótgjaldið er 7.000 kr fyrir félagsmenn og 1.000 kr fyrir börn 12 ára og yngri.

Almennt verð er 9.500 kr utan félags.

Til að tryggja sér miða þarf að senda tölvupóst á skrifstofa@asatru.is eða hringja í síma 861-8633 milli kl. 13-16 á virkum degi.

Tilkynna þarf fjölda fullorðina og barna og greiða svo annað hvort í gegnum posa á skrifstofu félagsins eða með millifærslu. Skrifstofan veitir upplýsingar um bankaupplýsingar fyrir millifærslu.

Einnig verður boðið upp á vegan veisluborð og verður fólk að láta vita hvort það vilji veganveislu þegar miði er pantaður.

Hlökkum til að sjá ykkur!

Höfum tekið að okkur að aðstoða Kraft stuðningsfélag ungs fólks með krabbamein og aðstandendur þeirra.

Við ætlum að setja saman armbönd fyrir Kraft á handverkskvöldinu í kvöld sem þau munu nota í fjáröflunarátak á næstunni.

Við bjóðum alla velkomna í kvöld í hofið okkar í kaffi, spjall og armbandagerð fyrir gott málefni.

Öllum er frjálst að mæta á opin hús hjá okkur í hofinu í Öskjuhlíð.

Það er kaffi á könnu og spjall í boði frá kl. 14-16.

Sjáumst á morgun!

Jólablótveislan í Reykjavík 21. desember næstkomandi verður í húsi Garðyrkjufélags Reykjavíkur eins og síðustu ár.

Miðasalan hefst á þriðjudaginn, en verð og nánari upplýsingar um veisluna berast þá.

Takmarkaður miðafjöldi í boði.

Óskað er eftir fulltrúum í laganefnd Ásatrúarfélagsins.

Hlutverk nefndarinnar er að fara yfir lög og starfsreglur félagsins og gera tillögur að viðeigandi úrbótum þar sem félagið hefur vaxið og dafnað síðan lögin voru samin og grunnur lagður að félaginu.

Viðkomandi þarf að vera félagi í Ásatrúarfélaginu, lögráða og sjálfráða. Einnig er kostur að viðkomandi hafi þekkingu á félagsmálum og þeirri lagaumgjörð sem því fylgir.

Laganefnd er skipuð af allsherjargoða og lögréttu og situr til næsta allsherjarþings þegar kosið verður í nýja nefnd.

Áhugasömum er bent á að hafa samband í gegnum netfangið skrifstofa@asatru.is