Þar sem við getum ekki tryggt aðgengi að hofinu í dag þá verður skrifstofan lokuð til morguns.
Það er hægt að ná í okkur í skrifstofusímann (861-8633) eða með að senda tölvupóst á asatru@asatru.is.
Að venju er opið hús á laugardaginn í hofinu okkar í Öskjuhlíð.
Það er kaffi á könnu og öllum frjálst að mæta í kaffispjall um himna og geima.
Við bjóðum alla velkomna í hofið okkar á þriðjudagskvöld í handverk.
Kaffi, handverk og spjall í góðum félagsskap.
Vorjafndægrablót Ásatrúarfélagsins verða haldin á fjórum stöðum á landinu 20. mars næstkomandi.
Þau verða sem hér segir:
Kl. 18:00, í fjöru við Helguhól í Hvalfirði, þar sem vel sést til Geirshólma.
Á jafndægrum að vori helgar Leirárgoði blót í fjörunni til heiðurs Helgu Jarsldóttur sem segir frá í Harðar sögu Hólmverja.
Veitingar verða í boði Ásatrúarfélagsins að Bjarteyjarsandi að blóti loknu.
Verið öll velkomin.
—–
Föstudaginn 20.mars verður vorjafndægrum fagnað með blóti í Óslandi á Höfn í Hornafirði. Blótað verður kl 17:00 en ekki kl 19:00 eins og áður var auglýst. Guðlaug Elísabet helgar blótið. Allir velkomnir!
—–
Vorjafndægrablót verður haldið í Hlésey kl. 18:00.
Vinsamlega tilkynnið þátttöku inn á facebook: Hléseyjarblót eða með að senda póst á johanna@asatru.is
—–
Dalverjagoði helgar blót kl. 18:00 í Ásgarði á Hvolsvelli (Sjá kort).
Í kjölfar blóts verður kaffi í Valhöll (Sjá kort).
—–
Blótin okkar eru opin öllum.
Á næsta fundi leshópsins munum við lesa Hymiskviðu, þar sem meðal annars segir frá tilraun Þórs til að veiða miðgarðsorminn, en kvæðið er annars óvenjulegt í hópi eddukvæða fyrir skrautlega notkun sína á kenningum.
Það er ókeypis aðgangur og allir velkomnir en fundurinn hefst kl. 20:00.
Dr. Teresa Dröfn Freysdóttir Njarðvík leiðir umræðuna.
Næsta Eddukvöld munum við lesa Hárbarðsljóð, og rýnum í húmor eddukvæðanna, þar sem Þór á í orðaskaki við ferjumann.
Allir velkomnir í hofið okkar í Öskjuhlíðina í fræðslu og spjall.
Dr. Teresa Dröfn Freysdóttir Njarðvík leiðir umræðuna.
Á staðnum verður borðspilasafn Ásatrúarfélagsins, nördagoðarnir Jökull Tandri og Haukur og eitthvað af nasli og tilheyrandi.
Öll velkomin, einsömul eða með vini, með snakk í púkkið eða án þess, með vel valin borðspil úr eigin safni eða án spila.
Goðar Ásatrúarfélagsins fordæma þau ummæli sem kanslari Kaþólsku kirkjunnar viðhafði um samkynhneigð og hinsegin fólk og hafa verið til umræðu í fjölmiðlum síðan í gær.
Goðar félagsins lýsa furðu sinni á því að einstaklingur í forsvari fyrir trú- og lífsskoðunarfélag virðist telja sig hafinn yfir m.a. almenn hegningarlög. Með lögum skal land byggja.
Fjölbreytileiki mannhafsins gerir samfélag okkar betra og það er laga- og siðferðisleg skylda þeirra sem þjónusta landsmenn að taka þeim eins og þeir eru og standa vörð um réttindi þeirra.
Að venju þá er opið hús í hofinu okkar í Öskjuhlíð á laugardaginn frá kl. 14-16.
Öllum frjálst að mæta í kaffi og spjall.