Ásatrúarfélagið

Fyrirlestraröð Ásatrúarfélagsins hefst á ný laugardaginn 26. september.

Húsið opnar kl. 14:00 og erindið hefst um kl. 14:30. Boðið verður upp á kaffi og meðlæti.

Í tilefni af útkomu bókar Gísla Sigurðssonar rannsóknarprófessors við Árnastofnun, Reflections of Traditional Oral Memory in the Eddas and Sagas, sem kom út á dögunum hjá De Gruyter, ætlar Gísli að fjalla um hvernig hugmyndir um hefðbundna minnistækni geta nýst til að skilja það munnlega þekkingarkerfi sem fornsögurnar, kvæðin og þar með goðafræðin byggðust á. Bókin er aðgengileg í opnum aðgangi, sem áhugasamir geta kynnt sér hér: https://doi.org/10.1515/9783112248492

Í þessu samhengi leika örnefni og landslagið hér á jörðu niðri og ekki síður það sem blasir við á himni lykilhlutverk við að halda utan um sagna- og hugmyndaheiminn. Örnefni nær og fjær geta kveikt sögu um atburð eða einstaklinga sem tengjast einhverjum öðrum með ættar- og fjölskylduböndum. Atburðirnir eru tímasettir í tengslum við veldistíma konunga – og kjörtímabil lögsögumanna – sem hægt var að nota til að fella hið hefðbundna tímatal að Anno Domini kerfi kirkjunnar 2-3 aldir aftur í tímann. Skáldin kunnu kvæðin um konunga og höfðingja, og sögurnar sem þeim tengdust, og lögsögumennirnir þekktu sögur af deilum og uppákomum sem reynt hafði verið að leysa með lögbundnum ferlum.

Í þessu samhengi verða sögurnar, hirðkvæðin og hið goðsögulega myndmál sem þau byggjast á að skipulögðu þekkingarkerfi sem máttarstólpar hinnar formlegu munnlegu hefðar báru ábyrgð á: skáldin, goðarnir og lögsögumennirnir.

Fyrirlesturinn er öllum opinn og best að mæta tímanlega til að tryggja sér sæti.

Þriðjudaginn 22. september mun eldur kveiktur og horni lyft í Hlésey kl. 18:00.

Við þökkum sumartíð og undirbúum andann fyrir haustið og ferð okkar inn í kyrrð og friðsemd.

Heitt kanilkakó með rjóma og kleinur í ylnum inni á eftir ásamt spjalli að eigin vali.

Vinsamlegast tilkynnið þátttöku með að senda póst á johanna@hlesey.is.

Safnast verður saman við tilgátuhúsið.

Blót hefst rétt eftir 17:00. Eiríksstaðir bjóða blótgestum í kaffi í tilgátuhúsinu að blóti loknu.

Dalverjagoði helgar stað og stund.

Það verður opið hús hjá okkur 19. september líkt og aðra laugardaga í hofinu í Öskjuhlíð frá kl. 14-16.

Endilega kíkið við í kaffi og spjall.

Allir velkomnir.

Haustblót ásatrúarfólks á Austurlandi fer fram í Jórvík í Breiðdal, laugardaginn 19. september kl. 14:00.

Til að komast á blótsstað er beygt af þjóðveginum í Breiðdal (Breiðdals- og Skriðdalsvegur) upp afleggjarann að Jórvík (merkt við þjóveginn) en blótsstaður er hægra meginn við afleggjarann tæplega 600 metra frá þjóðvegi.

Baldur, Freysgoði, helgar blótið.

Að blóti loknu er boðað til þings með heimamönnum þar sem boðið verður upp á veitingar. Nánari staðsetning verður kynnt að blóti loknu.

Eins og endranær eru öll velkomin á blót en minnt er á að allar slíkar samkomur eru undir berum himni og verður geta verið alls konar. Klæðum okkur því eftir veðri.

Næsta eddukvöld, 16. september kl. 20, lesum við Þrymskviðu, sem eflaust er eitt þeirra eddukvæða sem þarf vart að kynna. Þrymskviða segir frá því þegar Þór brá sér í brúðarkjól og hélt til jötunheima að finna Þrym, sem ætlaði sér að giftast Freyju.

Kvæðið er fullt af húmor, sem hefur orðið til þess að þessi goðsögn er ein sú þekktasta og lífseigasta – jafnvel fram á vora daga.

Dr. Teresa Dröfn Freysdóttir Njarðvík leiðir umræðuna.

Vinsamlegast hafið með ykkur útgafu eddukvæða, en það er hægt að verða sér út um eintak hér í hofinu á 4.500 kr.

Það verður opið hús hjá okkur 12. september líkt og aðra laugardaga frá kl. 14-16 í hofinu okkar í Öskjuhlíð.

Endilega kíkið við í kaffi og spjall.

Allir velkomnir.