Laugardaginn 23.september eru jafndægur á hausti.
Haustjafndægrablót verður haldið í Hlésey í Hvalfjarðarsveit kl 18:00.
Tilkynna þarf þátttöku á: johanna@asatru.is
Við verðum með tveggja daga námskeið í landnámsbúningagerð í hofinu okkar í Öskjuhlíð 22-23. september næstkomandi, en handverkshópur félagsins stendur fyrir námskeiðinu.
Á föstudeginum 22. september hefst námskeiðið klukkan 20:00 og verður til u.þ.b. 22:30.
Á laugardeginum 23. september hefst seinni hluti námskeiðsins klukkan 17:00 og stendur til u.þ.b. 20:00.
Þátttakendur þurfa að koma með eigin efni með sér ásamt saumnálum og hörtvinna. Auðveldast er að byrja á hörflík og þá þarf að þvo efnið áður en það er sniðið og saumað úr því.
Efnisnotkun: kjóll (2 og ½ metri af efni), kirtill (1 og ½ metri af efni) og buxur (1 og ½ metri).
Efnisnotkun: kjóll (2 og ½ metri af efni), kirtill (1 og ½ metri af efni) og buxur (1 og ½ metri).
Takmarkaður fjöldi þátttakenda kemst að í námskeiðið svo vinsamlegast tilkynnið þátttöku sem fyrst með að senda póst á skrifstofa@asatru.is eða hringja í síma 861-8633. Þátttökugjald fyrir námskeiðið er 10.000 krónur sem greiðist á námskeiðinu.
Þau sem vilja, geta fengið kynningu á námskeiðinu á Handverkskvöldi þriðjudaginn 19. september yfir kaffibolla. Þar verður einnig hægt að skrá sig ef pláss enn leyfir.
Ef aðsókn fer yfir takmarkaðan fjölda verður námskeiðið endurtekið fljótlega.
Við minnum á fyrirlestur Kára Pálssonar á opnu húsi á morgun frá kl 14-16. Hér má sjá kort að aðgengi hofsins en takmörkuð sæti verða í boði.
Hlekkur á viðburðinn:
https://asatru.is/ad-sverjast-i-fostbraedralag-fyrirlestur-a-opnu-husi-naestkomandi-laugardag-16-09-23/
Siðfesta (heiðin ferming).
Siðfræðsla fyrir siðfestuathafnir Ásatrúarfélagsins árið 2023-2024 hefst sunnudaginn 1.október með kynningarfundi.
Fundurinn verður haldinn í húsnæði Ásatrúarfélagsins, í hofinu við Menntasveig 15 og hefst kl 13:00. Einnig er hægt að sækja fræðsluna rafrænt á ZOOM fyrir þá sem ekki komast á fundinn í Reykjavík.
Ef þið vitið um einhverja sem eiga eftir að skrá sig þá er ekkert mál að hafa samband við okkur í síma 561-8633, eða benda viðkomandi á að skrá sig á eftirfarandi formi;
Þeir sem vilja vera á ZOOM, vinsamlegast senda tölvupóst á skrifstofa@asatru.is fyrir hvern tíma og hlekkur á ZOOM fund verður sendur á viðkomandi fyrir fundinn.
Hlökkum til að sjá ykkur!
Rýnt verður í Völuspá ásamt góðu spjalli yfir kaffibolla. Mæting kl 20:00 í hofið okkar í Öskjuhlíð. Allir velkomnir!
Það verður handverkskvöld í kvöld! Boðið verður upp á námskeið í vattarsaumi. Mæting í hofið okkar í Öskjuhlíð kl 20:00.
Kaffi á könnunni og allir velkomnir!
Næstkomandi laugardag mun þjóðfræðingurinn Kári Pálsson halda glæsilegan fyrirlestur í samkomusalnum okkar í hofi Ásatrúarfélagsins.
Viðburðurinn “opið hús” verður á sínum stað frá kl 14-16 og mun fyrirlesturinn hefjast fljótlega eftir að húsið opnar. Aðgangur er ókeypis og eru allir velkomnir. Það er takmarkað sætaval og því best að mæta tímanlega.
Um fyrirlesturinn:
Að sverjast í fóstbræðralag
Ítarlegustu og lengstu lýsingu á því þegar menn sverjast í fóstbræðralag má finna í Gísla sögu Súrssonar. Sagan lýsir atburði sem átti að gerast á 10. öld, en er líklega skráð á 13 öld.
Leiða má að því líkum að lýsing fóstbræðralagsins í Gísla sögu sé að minnsta kosti heimild um hvernig Íslendingar á 13. öld hafi skilið athöfnina, sem vekur spurningar um hvort helgisiðirnir sem lýst er í sögunni séu tilbúningur sagnaritara og/eða hvort sagan varðveiti fornt minni um myndun fóstbræðralags.
Í þessum fyrirlestri verður athöfnin athuguð út frá textafræðilegum samanburði við aðrar forníslenskar og skandinavískar heimildir. Einnig verða lagatextar og þjóðfræðilegar hefðir skoðaðar, sem geta varpað ljósi á áreiðanleika sögunnar, bakgrunn og tilgang fóstbræðralaga.
Leiða má að því líkum að lýsing fóstbræðralagsins í Gísla sögu sé að minnsta kosti heimild um hvernig Íslendingar á 13. öld hafi skilið athöfnina, sem vekur spurningar um hvort helgisiðirnir sem lýst er í sögunni séu tilbúningur sagnaritara og/eða hvort sagan varðveiti fornt minni um myndun fóstbræðralags.
Í þessum fyrirlestri verður athöfnin athuguð út frá textafræðilegum samanburði við aðrar forníslenskar og skandinavískar heimildir. Einnig verða lagatextar og þjóðfræðilegar hefðir skoðaðar, sem geta varpað ljósi á áreiðanleika sögunnar, bakgrunn og tilgang fóstbræðralaga.
Kári Pálsson lauk Ba gráðu í þjóðfræði frá Háskóla Íslands árið 2018 þar sem hann rannsakaði íslenska hlautbolla og blótsteina frá þjoðfræðilegri nálgun.
Í febrúar á þessu ári útskrifaðist hann með meistaragráðu í Norrænni trú frá sama háskóla þar sem hann rannsakaði heiðin minni í Gísla sögu Súrssonar undir handleiðslu Terry Gunnell, prófessors í þjóðfræði.
Í febrúar á þessu ári útskrifaðist hann með meistaragráðu í Norrænni trú frá sama háskóla þar sem hann rannsakaði heiðin minni í Gísla sögu Súrssonar undir handleiðslu Terry Gunnell, prófessors í þjóðfræði.
Við minnum á opið hús á morgun laugardag milli kl 14:00-16:00.
Það verður kaffi á könnunni ásamt nýbökuðum vöfflum. Allir velkomnir!
Árlegur fundur goða Ásatrúarfélagsins verður haldinn dagana 8-10. september á Þingeyri við Arnarfjörð.
Blót verður haldið föstudagskvöldið 8. september á Vikingasvæðinu á Þingeyri og hefst það um kl 19:30.
Allir velkomnir!
Öll velkomin á blót Ásatrúarfélagsins föstudagskvöldið 08.09.23. Blótið verður haldið á víkingasvæðinu á Þingeyri í tilefni Goðaþings.
Hilmar Örn Hilmarsson helgar blótið ásamt goðafélögum.