25 áhugasamir nemendur frá Háskólanum á Akureyri komu í heimsókn í hofið á laugardaginn þar sem fræðst var um félagið og heiðinn sið.
Ljósm.JE
Að venju er opið hús í hofinu okkur núna á laugardaginn frá kl. 14-16. Öllum frjálst að mæta í kaffi og spjall um himna og geima.
Handverkskvöldin eru byrjuð aftur og verða framvegis 1. og 3. þriðjudagskvöld hvers mánaðar í hofinu okkar í Öskjuhlíð.
Það er öllum frjálst að mæta í kaffi, spjall og handverk, en húsið opnar kl. 20:00.
Gudrun Victoria Gotved kemur til okkar í hofið í Öskjuhlíð á Völvuhelgi 23. og 25. janúar næstkomandi.
Á föstudeginum mun Gudrun endurtaka námskeið frá í fyrra um rúnir og rúnagerð. Námskeiðið hefst kl. 19:00. og kostar 3.000 kr. (Senda póst á skrifstofa@asatru.is til að skrá sig).
Sunnudaginn 25. janúar mun Gudrun mæta aftur í hofið og halda tvo fyrirlestra. Fyrra erindið hefst kl. 14:00 og fjallar um hulduverur utan Íslands og samband Gudrunar við þær. Gudrun mun einnig koma inn á samband sitt við íslenskar hulduverur.
Síðar sama dag verður Gudrun með annað erindi sem hefst kl. 17:00 og fjallar um verkfæri Völvunnar. „Völva er svokölluð vitur kona. Hún veitir leiðsögn, hún læknar og er sjáandi. Sumir kalla okkur hinar norrænu seiðkonur (norse shaman)”.
Ókeypis aðgangur er á báða fyrirlestra og öllum opnir. Best er að mæta tímanlega til að tryggja sér sæti.Það er opið hús að venju hjá okkur laugardaginn 17. janúar. Allir velkomnir í kaffi og spjall.
Alvíssmál verða á dagskrá leshópsins að sinni, en kvæðið varð einnig fyrir valinu á dagatali félagsins.
Alvíssmál eru varðveitt í Konungsbók eddukvæða, en kvæðið er spurningakeppni milli dvergsins Alvíss og Þórs. Alvíss vill kvænast dóttur Þórs, en Þór reynir á þekkingu hans með ýmsum spurningum.
Dr. Teresa Dröfn Freysdóttir Njarðvík mun leiða umræðuna.
Guðlaug Elísabet Ólafsdóttir Þingskálagoði helgar þorrablót á Höfn 23. janúar næstkomandi.
Blótið verður við Óslandstjörn og hefst athöfnin kl. 19:00.
Siðfestukennslan hefst hjá okkur sunnudaginn 18. janúar.
Við minnum á að það er enn hægt að skrá sig hér:
https://docs.google.com/forms/d/e/1FAIpQLSdMYhz7jlw_7oH37xsJUaVFfhXbzKrtxLGr29lpt8agJj_P7Q/viewform
Ætlum að halda áfram með verkefnið fyrir Kraft næstkomandi þriðjudagskvöld kl. 20:00.
Setjumst niður í kaffispjall og höldum áfram með armbandagerðina fyrir Kraft, stuðningsfélag ungs fólks sem greinst hefur með krabbamein.
Allir velkomnir í spjall, kaffi og armbandagerð á þessu sérstaka handverkskvöldi.
Á opnu húsi laugardaginn 10. janúar mun Dr. Haukur Þorgeirsson flytja erindið Varnarbarátta heiðninnar. Húsið opnar kl. 14 og hefst erindið um 14:30.
Hvernig getur manneskja öðlast þekkingu á guðunum? Heimspekingar fornaldar í Grikklandi og Rómaveldi leituðust við að rannsaka hið guðlega en iðulega voru svör þeirra ekki nema í lauslegum tengslum við trúariðkun alþýðunnar. Þegar kristin trú kom fram á sjónarsviðið sem skæður áskorandi og keppinautur heiðninnar snerust heimspekingar til varnar. Það gerðu þeir bæði með því að gagnrýna kristnar hugmyndir og einnig með því að leitast við að bæta heiðna heimspeki og lífsskoðun á ýmsa vegu. Þótt kristnin yrði á endanum sigursæl bar starf heiðnu heimspekinganna ýmsan athyglisverðan ávöxt.
Á Íslandi 13. aldar var einnig háð eins konar heimspekileg barátta fyrir hönd heiðninnar en þá til að skrásetja og varðveita þekkingu á norrænni trú. Í formála eða prologus Snorra-Eddu má segja að norræn trú sé sett fram í eins jákvæðu ljósi og mögulegt var innan hinnar kristnu heimsmyndar. Þær guðfræðihugmyndir sem þar birtast er athyglisvert að bera saman við þær heimspekilegu hugmyndir sem heiðnir og kristnir heimspekingar fyrri alda höfðu sett fram.
Allir velkomnir!
