Síðastliðinn mánudag fengum við heimsókn frá mjög áhugasömum nemendum í verkefnastjórnun við Háskólann í Reykjavík.
Þetta var liður í heimsókn þeirra til ýmissa trúfélaga.
Siðfestufræðslan hófst síðastliðinn sunnudag og mættu nemendur í hofið með foreldrum og forráðamönnum.
Við minnum á að enn er hægt að skrá nemendur í siðfestu hér:
https://docs.google.com/forms/d/e/1FAIpQLSdMYhz7jlw_7oH37xsJUaVFfhXbzKrtxLGr29lpt8agJj_P7Q/viewform
Að venju er opið hús hjá okkur á laugardaginn frá kl 14:00-16:00 í hofinu okkar í Öskjuhlíð.
Það er kaffi á könnu og öllum frjálst að mæta.
Við minnum á nýjan opnunartíma skrifstofu Ásatrúarfélagsins í Öskjuhlíð. Skrifstofan er nú opin alla virka daga frá kl 13-16.
Á þessum tíma er hægt að koma í heimsókn í hofið ásamt því að heyra í okkur í síma 561 8633.
Við hlökkum til að sjá og heyra í ykkur.
Hér má sjá Katelin Marit Parsons á fyrirlestri sínum Tapað og fundið í Vesturheimi.
Á seinni myndinni má sjá mynd úr Melsteðs-Eddu, en handritið var skrifað á Íslandi, rataði svo til Vesturheims en kom svo aftur til Íslands fyrir ekki svo löngu.
Alda Vala goði og Magnús Jensson tóku vel á moti sagnfræðinemum í vísindaferð 6. nóvember síðastliðinn.
Fyrir þá sem komast ekki í hofið þá verður hægt að sjá fyrirlestur Katelin Marit Parsons í beinu streymi á morgun laugardag á Facebook-síðu Ásatrúarfélagsins.
Streymið hefst rétt fyrir klukkan 14:30.
Freysgoði Baldur Pálsson helgaði blótið og Sigríður Sigþórsdóttir tók myndir.
Á opnu húsi í hofinu okkar í Öskjuhlíð, laugardaginn 8. nóvember, mun Dr. Katelin Parsons fjalla um rannsóknir sínar á Vesturförum og handritum þeirra.
Katelin Parsons stýrir verkefni Árnastofnunar sem ber heitið Í fótspor Árna Magnússonar í Vesturheimi, en verkefnið hófst árið 2015. Þungamiðjan í verkefninu eru íslensk handrit og bréf sem hafa varðveist í Norður-Ameríku hjá afkomendum vesturfara og í söfnum víðs vegar um heimsálfuna. Þar að auki hefur verið hægt að samnýta vettvangsferðir og skrá söguleg bókasöfn sem geyma handrit, bréf og prentaðar bækur. Vefurinn Handrit íslenskra vesturfara, er afrakstur þeirrar vinnu. Sjá: https://vesturheimur.arnastofnun.is/
Það öllum frjálst að mæta og aðgangur ókeypis. Sætaframboð er takmarkað og því er best að mæta tímanlega.
Húsið opnar kl 14:00 en fyrirlesturinn hefst 14:30.
Okkur hefur borist til eyrna að ýmsir félagsmenn séu óvirkir á samfélagsmiðlum og frétti þ.a.l. ekki af viðburðum félagsins í tæka tíð.
Við viljum því bjóða viðkomandi að vera með á póstlista sem verður sendur út á sama tíma og auglýsing viðburða.
Til að skrá sig á póstlistann þá er hægt að senda tölvupóst á netfangið: postlisti@asatru.is
Vinsamlegast látið fylgja fullt nafn.
Þið sem þekkið félagsmenn sem eru fjarri samfélagsmiðlum, megið endilega koma þessum skilaboðum áleiðis.
