Skip to main content
search
Category

Fréttir

Nov 03
Love0

Allsherjarþing 2025 – stjórnarskipti

By Fréttir
Allsherjarþing Ásatrúarfélagsins var haldið laugardaginn 1. nóvember síðastliðinn.
Ásamt því að fara yfir liðið starfsár voru nýjir fulltrúar kosnir í lögréttu.
Við þökkum fráfarandi stjórnarmeðlimum fyrir starf sitt í þágu félagsins og óskum nýkjörinni lögréttu góðs gengis á komandi starfsári.
Sunnudaginn 2. nóvember þá skipti nýkjörin lögrétta með sér verkum og er skipanin eftirfarandi:
Teresa Dröfn Freysdóttir Njarðvík – lögsögumaður
Jónas Eyjólfsson – gjaldkeri
Bjarki Karlsson – ritari
Unnar Reynisson – staðgengill lögsögumanns
Jóhannes Levý – meðstjórnandi
Ásdís Eddu Elvarsdóttir – 1. varamaður í stjórn
Hugrún Lilja Jóhannsdóttir – 2. varamaður í stjórn
Nov 03
Love0

Siðfesta námsárið 2025-2026 TILKYNNING

By Fréttir
Við viljum minna á að það er enn hægt að skrá sig í siðfræðslu Ásatrúarfélagsins. Skráning fer fram hér:
Fyrsti tíminn hefst sunnudaginn 16. nóvember næskomandi kl 13:00 í hofinu okkar í Öskjuhlíð. Á sama tíma mun Jóhanna Harðardóttir sjá um fyrsta tímann í fjarkennslu.

Föst kennsla hefst svo eftir áramót og verður kennt á eftirfarandi sunnudögum:

1.tími 18. janúar kl 13:00
2.tími 1. febrúar kl 13:00
3.tími 15. febrúar kl 13:00
4.tími 1. mars kl 13:00
5.tími 15. mars kl 13:00
6.tími 19. apríl. kl 13:00

 

Lokatíminn fer svo fram 31. maí með útivistartíma nemenda og forráðamanna. Dagurinn endar með Gróðurblóti að Mógilsá.
Póstur verður sendur út á morgun á alla sem hafa skráð sig með nánari upplýsingum. Milvægt er að svara þeim pósti til að láta vita hvort nemendur hyggist vera í stað eða fjarkennslu í vetur.
Oct 21
Love0

Veturnáttablót 2025 – til ykkar sem hyggist mæta.

By Fréttir

Þið sem hafið meldað ykkur á Veturnáttablótið næsta laugardag, vinsamlegast látið vita hvað þið ætlið að koma með í matinn. Þetta er sem sagt Pálínuboð þar sem allir leggja eitthvað til.

Þið getið sent tölvupóst á skrifstofa@asatru.is til að láta okkur vita hvað þið hyggist mæta með.

Hlökkum til að heyra frá ykkur.

Oct 21
Love0

Allsherjarþing Ásatrúarfélagsins 2025

By Fréttir

Allsherjarþing Ásatrúarfélagsins 2025 verður haldið í hofi félagsins að Menntasveigi 15 í Öskjuhlíð laugardaginn 1. nóvember kl 14:00. Allir félagar Ásatrúarfélagsins eiga rétt til setu á allsherjarþingi og hafa þar málfrelsi og tillögurétt. Atkvæðisréttur og kjörgengi miðast við 18 ára aldur.

Þá er hér með minnt á framboðsfrest til stjórnar felagsins og varamönnum í stjórn, og einnig í önnur embætti sem kjörið er í á allsherjarþingi. Framboðsfrestur rennur út laugardaginn 25. október, en þeir sem bjóða sig fram til stjórnar en ná ekki kjöri geta þó boðið sig fram sem varamenn í stjórn á þinginu. Í kjörnefnd sitja:

Jökull Tandri Ámundason
Haukur Bragason
Unnar Reynisson

Til að bjóða sig fram skal skrá sig HÉR

Alls hafa borist 10 lagabreytingatillögur frá Ásdísi Elvarsdóttur, varamanni í stjórn sem á sæti í laganefnd. Um er að ræða 10 tillögur að siðareglum fyrir félagið.

Dagskrá:
• Skýrsla lögréttu borin upp til umræðu og staðfestingar.
• Reikningar lagðir fram til umræðu og staðfestingar.
• Lagabreytingar og aðrar tillögur.
• Kosning í lögréttu.
• Kosning skoðunarmanna reikninga, í nefndir og í aðrar trúnaðarstöður.
• Önnur mál.

Oct 17
Love0

Veturnáttablót í Öskjuhlíð 25. október

By Fréttir
Veturnáttablót verður haldið á fyrsta vetrardegi 25. október næstkomandi. Allsherjargoði Hilmar Örn Hilmarsson helgar blótið sem hefst kl 20:00. Um er að ræða Pálínuboð þar sem félagið býður grunn að veitingum sem gestir geta svo bætt í.
Vinsamlegast tilkynnið þátttöku/mætingu með að skrá ykkur á Facebook-viðburðinn hér: https://fb.me/e/2UF2zL36d
Það er einnig hægt að tilkynna þátttöku/mætingu með að senda póst á skrifstofa@asatru.is.
Oct 17
Love0

Veturnáttablót á landinu í október 2025

By Fréttir
Fyrsti vetrardagur ber að dyrum 25. október næstkomandi. Veturnáttablót Ásatrúarfélagsins verða því haldin hátíðleg á nokkrum stöðum á landinu:
– Á Höfn í Hornafirði helgar Guðlaug Elísabet Ólafsdóttir blót við Óslandstjörn. Athöfnin hefst kl 14:00.
– Baldur Pálsson helgar blót á Vestdalseyri í Seyðisfirði og hefst það kl 14:00. – Kl. 18:00 hefst sviðamessa í húsi björgunarsveitarinnar Ísólfs. Húsnæðið er staðsett við Hafnargötu 17. Það þarf að skrá sig í sviðamessuna, sjá nánar á Facebook-síðunni Ásatrúarfólk í Austurlandsgoðorði „Sviðamessa 2025″.
– Sigurður Mar helgar blót í Ólafsfirði og hefst það kl 17:00 við menntaskólann.
– Í Reykjavík helgar Hilmar Örn allsherjargoði blót í Öskjuhlíð sem hefst kl 20:00. Um er að ræða Pálínuboð þar sem félagið býður grunn að veitingum sem gestum er frjálst að bæta við í. Það er hægt að tilkynna þátttöku á Facebook-viðburðinum hér: https://fb.me/e/2UF2zL36d
Það er einnig hægt að boða mætingu í Öskjuhlíðina með að senda okkur póst á skrifstofa@asatru.is.
Oct 07
Love0

Umræðufundur um næsta áfanga hofbyggingar

By Fréttir

Næstkomandi laugardag þann 11. október klukkan 13:30 verður opinn umræðufundur í hofi Ásatrúarfélagsins í menntasveigi um framhald hofbyggingar Ásatrúarfélagsins. Á fundinum verður farið yfir fjárhagsstöðu félagsins, sem orðin er afar góð, og standa vonir til þess að undirbúningur frekari framkvæmda geti fljótlega hafist. Gert er ráð fyrir góðum tíma fyrir spurningar og umræður.

Fundinum verður streymt og þeir sem vilja sitja hann í fjarfundi eru beðnir á að skrá sig hér. Zoom-linkur verður sendur fljótlega áður en fundurinn hefst.

Athugið að fundurinn er einungis opinn félagsmönnum í Ásatrúarfélaginu.

Close Menu