Vattarsaumsnámskeið verður haldið í sal félagsins þriðjudaginn 23. okt kl 20:00
Áhugasamir skrá sig í gegnum tölvipóst á asatru@asatru.is

Allsherjarþing Ásatrúarfélagsins verður haldið í Síðumúla 15 laugardaginn 3. nóvember 2018

Fundurinn hefst kl. 14:00 og verður dagskrá á þessa leið: 
Skýrsla lögréttu borin upp til umræðu og staðfestingar.
Reikningar félagsins bornir upp til umræðu og staðfestingar.
Lagabreytingar lögréttu.
Kosning í lögréttu.
Kosingar skoðunarmanna, nefnda og aðrar kosningar eftir þörfum.
Önnur mál. 
Félagsmenn velkomnir.

Velkomin í handverkshópinn
Við erum með kaffi á könnunni kl 20:00 þriðja þriðjudag í hverjum mánuði.
Við verðum að auki með handverksnámskeið í vetur, td, vattarsaum, spjaldvefnað og búningagerð.

Búningagerð – grunnur 
Námskeið í 2 hlutum 
Föstud. 28. sept og laugard. 29. sept – 
Verð 5000 – komið með hörefni (fæst í Ikea) sem þið eruð búin að þvo og þurka.

Búningagerð – framhald
föstud. 26. okt og laugard 27. okt
Verð 3000 – Komið með ullarefni (líka hægt að panta með okkur fyrir 12 okt) 

Vattarsaumsnámskeið
23 okt
Verð 5000 – nál innifalin – komið með band til að vinna með.

Spjaldvefnaðarnámskeið í 2 hlutum
föstud. 12 okt og laugard. 13 okt 
Verð 20000 fyrir bæði kvöldin – bretti og spjöld innifalin (15þ ef þið eigið spjaldvefnaðarbretti)

Skráning í gegnum tölvupóst, asatru@asatru.is

Hlökkum til að sjá ykkur!

Opinn lögréttufundur verður í húsnæði félagsins laugardaginn 8. september næstkomandi.
Efni fundarins er Félagsstarfið.
Fundurinn hefst kl 14:30.

Leshópur Ásatrúarfélagsins er kominn í gang aftur eftir sumarfrí!

Leshópurinn hittist á miðvikudagskvöldum klukkan 20:00
Hópurinn ræðir um allt milli himins og jarðar ssem tengist ásatrú. Sigurdrífumál voru á dagskrá síðasta veturs og svipað efni verður tekið fyrir í ár. 
Félagsmenn og aðrir áhugasamir velkomnir.
Kaffi og gott spjall í boði.

Siðfræðslunámskeið 2018-2019
Er unglingurinn þinn að verða fullorðinn? 
Það er stór stund að ganga í fullorðinna manna tölu og viðeigandi að gera það með athöfn þar sem vinir og fjölskylda fagna saman. 
Með haustinu fer af stað siðfræðslunámskeið Ásatrúarfélagsins og eru áhugasamir hvattir til að mæta á kynningarfund laugardaginn 29 sept kl 12.

Fræðslan fer fram í sal Ásatrúarfélagsins að Síðumúla 15 
síðasta laugardag hvers mánaðar eða samkvæmt samkomulagi við goða í hverju héraði fyrir sig. þar verður farið er yfir megininntak og siðfræði heiðins siðar sem byggir á eftirfarandi þáttum:

Ábyrgð einstaklingsins á sjálfum sér
Heiðarleiki
Umburðarlyndi gagnvart trú og lífsskoðunum annarra
Virðing fyrir náttúrunni og öllu lífi

Foreldrar og forráðamenn eru velkomin til að sitja námskeiðið með börnum sínum. Við leggjum sérstaka áherslu á að foreldrar / forráðamenn mæti með börnum sínum í fyrsta tíman (29. sept) þar sem námskeiðið, athöfnin og dagskrá vetrarins eru kynnt; og í síðasta tímann að vori (25. maí) en þá fer fram sérstakt útinámskeið. 

Skráning fer fram í gegnum tölvupóst skrifstofunnar asatru@asatru.is þar sem fram koma fullt nafn og kennitala barns, nöfn foreldra og kennitölur, heimilisfang og símanúmer.

Verð er 40.000kr og innifalið í þeirri upphæð er fræðslan yfir veturinn, útinámskeið að vori og einstaklingsathöfn.

Siðfræðslunámskeið 2018-2019
Er unglingurinn þinn að verða fullorðinn? 
Það er stór stund að ganga í fullorðinna manna tölu og viðeigandi að gera það með athöfn þar sem vinir og fjölskylda fagna saman. 
Með haustinu fer af stað siðfræðslunámskeið Ásatrúarfélagsins og eru áhugasamir hvattir til að mæta á kynningarfund laugardaginn 29 sept kl 12.

Fræðslan fer fram í sal Ásatrúarfélagsins að Síðumúla 15 
síðasta laugardag hvers mánaðar eða samkvæmt samkomulagi við goða í hverju héraði fyrir sig. þar verður farið er yfir megininntak og siðfræði heiðins siðar sem byggir á eftirfarandi þáttum:

Ábyrgð einstaklingsins á sjálfum sér
Heiðarleiki
Umburðarlyndi gagnvart trú og lífsskoðunum annarra
Virðing fyrir náttúrunni og öllu lífi

Foreldrar og forráðamenn eru velkomin til að sitja námskeiðið með börnum sínum. Við leggjum sérstaka áherslu á að foreldrar / forráðamenn mæti með börnum sínum í fyrsta tíman (29. sept) þar sem námskeiðið, athöfnin og dagskrá vetrarins eru kynnt; og í síðasta tímann að vori (25. maí) en þá fer fram sérstakt útinámskeið. 

Skráning fer fram í gegnum tölvupóst skrifstofunnar asatru@asatru.is þar sem fram koma fullt nafn og kennitala barns, nöfn foreldra og kennitölur, heimilisfang og símanúmer.

Verð er 40.000kr og innifalið í þeirri upphæð er fræðslan yfir veturinn, útinámskeið að vori og einstaklingsathöfn.

Skrifstofan verður lokuð í Júlí vegna sumarleyfa.

Laugardaginn 16 júni stefnum við að því að gróðursetja fleiri plöntur í reit Ásatrúarfélagsins, Baldurslundi, við Þingnes í Heiðmörk klukkan 10:30. Góð stemming hefur myndast síðastliðin ár og við viljum hvetja alla áhugasama til að mæta. 

Nú er líka gaman að rifja upp ljóð sem Sveinbjörn Beinteinsson orti 1988:

Skógarhugur

Viður er tekinn að vaxa,
vörnum í sókn er snúið.
Gagnprýði grænna faxa
gróðurveldið er búið.
Færist þá fegri litur
fjörs og máttar á landið.
Ljúfur er laufaþytur,
ljóðið hans gáskablandið.

Verkliðnum vilji nægir,
vaxtarins ármenn glaðir,
sumur seigir og hægir,
sumir örir og hraðir.
Allir að einu starfi
erfiði sínu beina.
Djarft vill hinn dáðumþarfi
dug sinn og hæfni reyna.

Burt með bölvaðan kvíða,
berum nú merkið hærra.
Þá munu verða víða
vitni um afrek stærra,
stærra og miklu meira.
Menn eiga fyrst að trúa,
síðan að sjá og heyra.
Svo skal í haginn búa.

Leita má allra leiða,
lífið á margt að gefa.
Út skal boðskapinn breiða.
Burt með kjarklausann efa.
Finna það stöðugt fleiri,
fátt er jafnvíst og þetta.
Þá verður þjóðn meiri,
þá mun kjörgróður spretta.

12.07.1988

Opinn lögréttufundur verður haldinn í sal félagsins að Síðumúla 15 laugardaginn 3. mars.
Fundurinn hefst klukkan 14:30.
Á dagskrá er umræða og kynning á Hollvinasamtökum hofs í Öskjuhlíð. Tilgangur þess er að styðja við byggingu Hofsins og skipulag lóðar. Búast má við því að stofnfundur hollvinafélagsins verði að fundi loknum.
Áhugasamir eru eindregið hvattir til þess að mæta á fundinn.