Freysgoði Baldur Pálsson helgaði blótið og Sigríður Sigþórsdóttir tók myndir.
Á opnu húsi í hofinu okkar í Öskjuhlíð, laugardaginn 8. nóvember, mun Dr. Katelin Parsons fjalla um rannsóknir sínar á Vesturförum og handritum þeirra.
Katelin Parsons stýrir verkefni Árnastofnunar sem ber heitið Í fótspor Árna Magnússonar í Vesturheimi, en verkefnið hófst árið 2015. Þungamiðjan í verkefninu eru íslensk handrit og bréf sem hafa varðveist í Norður-Ameríku hjá afkomendum vesturfara og í söfnum víðs vegar um heimsálfuna. Þar að auki hefur verið hægt að samnýta vettvangsferðir og skrá söguleg bókasöfn sem geyma handrit, bréf og prentaðar bækur. Vefurinn Handrit íslenskra vesturfara, er afrakstur þeirrar vinnu. Sjá: https://vesturheimur.arnastofnun.is/
Það öllum frjálst að mæta og aðgangur ókeypis. Sætaframboð er takmarkað og því er best að mæta tímanlega.
Húsið opnar kl 14:00 en fyrirlesturinn hefst 14:30.
Okkur hefur borist til eyrna að ýmsir félagsmenn séu óvirkir á samfélagsmiðlum og frétti þ.a.l. ekki af viðburðum félagsins í tæka tíð.
Við viljum því bjóða viðkomandi að vera með á póstlista sem verður sendur út á sama tíma og auglýsing viðburða.
Til að skrá sig á póstlistann þá er hægt að senda tölvupóst á netfangið: postlisti@asatru.is
Vinsamlegast látið fylgja fullt nafn.
Þið sem þekkið félagsmenn sem eru fjarri samfélagsmiðlum, megið endilega koma þessum skilaboðum áleiðis.
Allsherjarþing Ásatrúarfélagsins var haldið laugardaginn 1. nóvember síðastliðinn.
Ásamt því að fara yfir liðið starfsár voru nýjir fulltrúar kosnir í lögréttu.
Við þökkum fráfarandi stjórnarmeðlimum fyrir starf sitt í þágu félagsins og óskum nýkjörinni lögréttu góðs gengis á komandi starfsári.
Sunnudaginn 2. nóvember þá skipti nýkjörin lögrétta með sér verkum og er skipanin eftirfarandi:
Teresa Dröfn Freysdóttir Njarðvík – lögsögumaður
Jónas Eyjólfsson – gjaldkeri
Bjarki Karlsson – ritari
Unnar Reynisson – staðgengill lögsögumanns
Jóhannes Levý – meðstjórnandi
Ásdís Eddu Elvarsdóttir – 1. varamaður í stjórn
Hugrún Lilja Jóhannsdóttir – 2. varamaður í stjórn
Við viljum minna á að það er enn hægt að skrá sig í siðfræðslu Ásatrúarfélagsins. Skráning fer fram hér:
Fyrsti tíminn hefst sunnudaginn 16. nóvember næskomandi kl 13:00 í hofinu okkar í Öskjuhlíð. Á sama tíma mun Jóhanna Harðardóttir sjá um fyrsta tímann í fjarkennslu.
Föst kennsla hefst svo eftir áramót og verður kennt á eftirfarandi sunnudögum:
1.tími 18. janúar kl 13:00
2.tími 1. febrúar kl 13:00
3.tími 15. febrúar kl 13:00
4.tími 1. mars kl 13:00
5.tími 15. mars kl 13:00
6.tími 19. apríl. kl 13:00
6.tími 19. apríl. kl 13:00
Lokatíminn fer svo fram 31. maí með útivistartíma nemenda og forráðamanna. Dagurinn endar með Gróðurblóti að Mógilsá.
Póstur verður sendur út á morgun á alla sem hafa skráð sig með nánari upplýsingum. Milvægt er að svara þeim pósti til að láta vita hvort nemendur hyggist vera í stað eða fjarkennslu í vetur.
Við minnum á Allsherjarþing Ásatrúarfélagsins sem hefst kl 14:00 á morgun laugardaginn 1. nóvember í hofinu okkar í Öskjuhlíð.
Við minnum fundargesti á að fara varlega í hálkunni.
Smellið HÉR til að sjá kort af gönguleiðum að svæðinu.
Nánar um viðburðinn: https://asatru.is/allsherjarthing-asatruarfelagsins-2025/
Eftirfarandi tillögur að siðareglum hafa borist frá Ásdísi Elvarsdóttur og eru lagðar fyrir Allsherjarþing næstkomandi laugardag.
Til að skoða tillögurnar þá skal smella HÉR.
Þið sem hafið meldað ykkur á Veturnáttablótið næsta laugardag, vinsamlegast látið vita hvað þið ætlið að koma með í matinn. Þetta er sem sagt Pálínuboð þar sem allir leggja eitthvað til.
Þið getið sent tölvupóst á skrifstofa@asatru.is til að láta okkur vita hvað þið hyggist mæta með.
Hlökkum til að heyra frá ykkur.
Allsherjarþing Ásatrúarfélagsins 2025 verður haldið í hofi félagsins að Menntasveigi 15 í Öskjuhlíð laugardaginn 1. nóvember kl 14:00. Allir félagar Ásatrúarfélagsins eiga rétt til setu á allsherjarþingi og hafa þar málfrelsi og tillögurétt. Atkvæðisréttur og kjörgengi miðast við 18 ára aldur.
Þá er hér með minnt á framboðsfrest til stjórnar felagsins og varamönnum í stjórn, og einnig í önnur embætti sem kjörið er í á allsherjarþingi. Framboðsfrestur rennur út laugardaginn 25. október, en þeir sem bjóða sig fram til stjórnar en ná ekki kjöri geta þó boðið sig fram sem varamenn í stjórn á þinginu. Í kjörnefnd sitja:
Jökull Tandri Ámundason
Haukur Bragason
Unnar Reynisson
Til að bjóða sig fram skal skrá sig HÉR
Alls hafa borist 10 lagabreytingatillögur frá Ásdísi Elvarsdóttur, varamanni í stjórn sem á sæti í laganefnd. Um er að ræða 10 tillögur að siðareglum fyrir félagið.
Dagskrá:
• Skýrsla lögréttu borin upp til umræðu og staðfestingar.
• Reikningar lagðir fram til umræðu og staðfestingar.
• Lagabreytingar og aðrar tillögur.
• Kosning í lögréttu.
• Kosning skoðunarmanna reikninga, í nefndir og í aðrar trúnaðarstöður.
• Önnur mál.
Bjóðum alla velkomna í hofið okkar laugardaginn 18. október í opið hús. Við opnum kl 14:00.
Kaffi á könnunni!