Fréttir

Minnum á opna húsið laugardaginn 17. ágúst. Allir velkomnir að venju og kaffi á könnu!

Helgina 16.-18. ágúst verður haldin hátíð á slóð Vatnsdælasögu sem nokkurs konar uppskeruhátíð þar sem við munum fagna uppbyggingu á söguslóð. Boðið verður upp á nokkrar gönguferðir á söguslóð þar sem sagt verður frá ákveðnum atburðum sem gerðust þar. Opið verður í Vatnsdælurefilinn alla helgina, sem og í Þingeyrarkirkju og á heimilisiðnaðarsafnið á Blönduósi.

Hápunktur helgarinnar verður á laugardegi þegar Vatnsdalshólahlaupin fara fram https://netskraning.is/vatnsdalsholahlaupid/ en að þessu sinni verður Gljúfurárhlaupið 25 km, Ranhólahlaup 11 km og rathlaup 1-5km auk þess sem krakkahlaupið í kringum Skúlahól verður á sínum stað.

Í Þórdísarlundi verður krökkum boðið á hestbak, kveðnar rímur og stemmur, spiluð lifandi tónlist, sagðar sögur,farið í leiki, grillað lamb og fleira skemmtilegt og þjóðlegt brasað.

Á laugardagskvöld verða tónleikar með Hund í óskilum í Eyvindarstofu á Blönduósi kl 20:30

Dagskrá hátíðarinnar má sjá hér.

Fyrsta opna húsið eftir sumarfrí verður núna laugardaginn 10. ágúst. Að venju eru allir velkomnir og við hlökkum til að sjá ykkur!

Nýlega var lokið við að ganga frá útvegg á félagsaðstöðu okkar í Öskjuhlíð og í leiðinni komið í veg fyrir hvimleiðan leka undir vegginn.

Jafnframt var skiltið sunnan við hofið endurnýjað

.

Njarðarblót verður að venju haldið síðasta sunnudag júlímánaðar sem á þessu ári ber upp á 28. júlí.

Blótið verður helgað kl. 16:00 (athugið, ekki kl. 13:00 eins og síðustu ár) í lystigarðinum Fossflöt í Hveragerði.

Öll velkomin.

Minnum á að það verður ekkert opið hús á morgun vegna sumarleyfa í júlí.