Ásatrúarfélagið

Á allsherjarþingi, laugardaginn 1. nóvember , var kjörið í nýja lögréttu Ásatrúarfélagsins. Fjölmargir buðu sig fram og ber það þess merki að sífellt fleiri hafa áhuga á að koma að starfi félagsins. Kosið var um sæti Sigurlaugar Lilju Jónasdóttur, sem gaf ekki kost á sér til endurkjörs, Huldu Sifjar Ólafsdóttur og Hrafnhildar Borgþórsdóttur. Kosningar fóru svo að Hulda Sif Ólafsdóttir var endurkjörin, Urður Snædal og Lenka KováÅ™ová  koma nýjar inn í lögréttu. Fráfarandi varamenn voru Silke Schurack og Teresa Dröfn Njarðvík. Nýkjörnir varamenn eru Silke Schurack og Sigurboði Grétarsson

Á fyrsta fundi lögréttu, sunnudaginn 2. nóvember – sem jafnframt var opinn, var skipað svo í embætti:

Lögsögumaður: Hallur Guðmundsson
Staðgengill lögsögumanns: Kári Pálsson
Gjaldkeri: Hulda Sif Ólafsdóttir
Ritari: Urður Snædal
Meðstjórnandi: Lenka KováÅ™ová
1. varamaður: Silke Schurack
2. varamaður: Sigurboði Grétarsson

Fyrir hönd goða sitja í lögréttu
Hilmar Örn Hilmarsson, allsherjargoði
Jóhanna G. Harðardóttir, staðgengill allsherjargoða

Sú hefð hefur skapast að á hádegi síðasta laugardags hvers mánaðar eru siðfræðslutímar í Síðumúla. Fræðslan er einkum ætluð þeim sem hyggjast taka siðmálum en þetta er fjórða árið í röð sem skipulögð siðfræðsla fer fram í húsnæði félagsins. Það er því komin nokkuð skýr mynd á starfið þótt vissulega sé fræðslan í sífelldri mótun.

Stærstur hluti þeirra sem sækja tímana eru unglingar, sem velja siðmál í stað hefðbundinnar fermingar, en foreldrar og forráðamenn sitja gjarna tímana með þeim. Á hverju ári taka einnig nokkrir fullorðnir siðmálum og því sækir fólk á misjöfnum aldri siðfræðsluna. Þessi litríka blanda af ólíku fólki af öllum stigum samfélagsins hefur reynst sérstaklega frjór grundvöllur fyrir skemmtilegar og uppbyggilegar umræður og oft hafa tímarnir orðið lengri en til stóð vegna þess að erfitt hefur verið að hætta.

Í siðfræðslunni er kastljósinu beint að því hvað felst í því að vera heiðin manneskja, þ.m.t. ábyrgð, virðing og heiðarleiki. Starfsemi félagsins er kynnt og fjallað um blót og aðra siði sem hafðir eru í heiðri. Við ræðum um guði okkar og gyðjur, helg tákn og samband okkar við náttúru og umhverfi. Hávamál eru lesin og heilræði þeirra rædd. Fræðslutímarnir eru fyrst og fremst í fundarformi og oft skapast frjálslegar og heimspekilegar vangaveltur um mannlífið og tilveruna þar sem allir taka þátt á sínum forsendum.

Siðmálaathafnir Ásatrúarfélagsins verða sífellt vinsælli með hverju árinu sem líður og stafar það eingöngu af því að athafnirnar spyrjast út meðal fólks. Félagið hefur aldrei auglýst fræðsluna opinberlega og hyggst ekki gera það.

Hver athöfn og undirbúningur hennar mótast af því viðhorfi að hver maður er einstakur og dýrmætur og ævi hans og ákvarðanir mikilvægar. Siðmálaathöfnin er því helguð einum siðmálamanni í stað þess að vera fjöldaathöfn þar sem einstaklingurinn hverfur í fjöldanum. Það er von okkar og trú að sá stóri hópur ungmenna og foreldra þeirra sem hafa kynnst vorum sið í gengum siðfræðsluna eigi eftir að verða stolt og glatt ásatrúarfólk sem heldur kyndlinum á lofti um ókomna tíð.

Þeim sem vilja kynna sér siðfræðslu og siðmálaathafnir er bent á að hafa samband við skrifstofu félagsins eða láta skrá sig hjá asatru@asatru.is eða johanna[að]asatru.is.

Jóhanna Harðardóttir, Kjalnesingagoði

To clarify our position on certain issues, the Ásatrúarfélagið issues the following statement.
 
We always welcome visitors from abroad, as well as Icelanders, with an interest in our cultural heritage and spiritual traditions. We respect everyone‘s interest in the Ásatrúarfélagið and our religious traditions, but we do not necessarily agree with every visitor’s ideas of the form that Ásatrú should have in our modern world. Visitors should not assume that we automatically agree with or endorse their own views and practices.
 
We strongly oppose any attempt by individuals to use their association with the Ásatrúarfélagið of Iceland to promote attitudes, ideologies and practices rejected by the leadership of the Ásatrúarfélagið. We particularly reject the use of Ásatrú as a justification for supremacy ideology, militarism and animal sacrifice.
 
It should also be known that visitors have no authority to speak on our behalf. There is no advisor to the Ásatrúarfélagið and there is no spokesman other than our allsherjargoði. We respectfully request that visitors not claim any such authority based on their association with us.

Fulltrúar eftirtalinna trúfélaga, sem öll eiga aðild að Samráðsvettvangi trúfélaga, harma þá ósæmilegu aðför að múslímum, sem átti sér stað á byggingarlóð Félags múslima á Íslandi þann 27. nóvember síðastliðinn, og leggja jafnframt áherslu á mikilvægi þess að allir fari að íslenskum lögum og virði fullt trúfrelsi allra landsmanna.

Ásatrúarfélagið
Bahá’ísamfélagið
Búddistasamtökin SGI á Íslandi
Félag múslima á Íslandi
FFWPU – Heimsfriðarsamband fjölskyldna og sameiningar
Fríkirkjan Vegurinn
Kirkja Jesú Krists hinna Síðari daga heilögu
Kirkja sjöunda dags aðventista á Íslandi
Menningarsetur múslima á Íslandi
Rómversk-kaþólska kirkjan
Söfnuður Moskvu-Patríarkatsins í Reykjavík
Þjóðkirkjan

Á opnum lögréttufundi í dag var Sigurlaug Lilja Jónasdóttir kosin lögsögumaður. Hún hefur verið staðgengill lögsögumanns í tvö ár en hefur nú sætaskipti við Hall Guðmundsson sem verður nú staðgengill hennar.

Nýr ritari lögréttu er Kári Pálsson en Hulda Sif Ólafsdóttir er sem fyrr gjaldkeri og Hrafnhildur Borgþórsdóttir meðstjórnandi.

Hilmar Örn Hilmarsson

Hilmar Örn Hilmarsson

Hilmar Örn Hilmarsson var einn í kjöri til til allsherjargoða til næstu fimm ára á allsherjarþingi í dag. Hann greindi frá því að hann hefði verið búinn að ákveða að draga sig í hlé en hætt við það og fallist á að sitja eitt kjörtímabil enn.

Alda Vala Ásdísardóttir og Sigurður Mar Halldórsson eru nýir goðar.

Tveir aðalmenn voru kosnir í lögréttu, Hallur Guðmundsson og Kári Pálsson. Hallur hefur verið lögsögumaður síðustu tvö ár en Kári er nýr lögréttumaður.  

Silke Schurack og Teresa Dröfn Njarðvík voru kosnar í varastjórn.

Bjarki Karlsson, Lenka KováÅ™ová og Böðvar Þórir Gunnarsson gáfu ekki kost á sér til endurkjörs.

Lögsögumaður verður kosinn úr hópi lögréttumanna á opnum lögréttufundi í Síðumúla á morgun.

Sjá: fundargerð allsherjarþings 2013.

Salur Ásatrúarfélagsins hefur gengið í gegnum miklar breytingar og aldrei litið betur út eftir að við fluttum í Síðumúla.

Byrjað var á að auka hillupláss á skrifstofunni en síðan voru keypt ný húsgögn í stað hinna níðþungu og plássfreku sem fyrir voru og höfðu alltaf verið okkur fjötur um fót við að gera salinn vistlegan. Eitt leiddi af
öðru og fljótlega voru rifnar niður gamlar gardínur og dúkar sem enduðu í Góða hirðinum, veggir voru málaðir, gólf- og rimlagluggatjöld hreinsuð og gólfin að endingu bónuð.

Að þessu loknu voru festir upp gallerílistar í salnum svo hægt væri að ráðast í sýningahald og pöntuð sandblástursfilma í gluggana svo héðan í frá sé hægt að hafa dregið frá gluggum og hleypa birtu inn í salinn.

Salurinn okkar er nú orðið sannkallað menningarsetur heiðinna manna. Á miðvikudagskvöldum er leshringur starfandi. Alla laugardaga er húsið opið og þar sem fólk hittist og spjallar saman. Flesta laugardaga eru vönduð fræðsluerindi í boði og síðasta laugardag í hverjum mánuði er fræðsla um heiðinn sið ætluð siðfestufólki og aðstandendum þeirra. Annan hvern sunnudag er „þrjúbíó“ þar sem fólki er boðið að horfa á kvikmyndir sem tengjast heiðni.

Nýjasti galdurinn í Síðumúlanum eru vandaðar sýningar á „heiðinni list“ á veggjum salarins.
 

Tilvalinn salur fyrir veislur, fundi og fyrirlestra 

Í salnum er ágætur tækjabúnaður til fyrirlestrahalds og funda. Salurinn tekur vel 50 manns í sæti og til er borðbúnaður fyrir þann fjölda. Leiguverðið er sanngjarnt og félagsmenn fá afslátt af leigunni. Verið dugleg að kynna salinn okkar og nýtið hann sjálf, okkur veitir ekki af innkomunni. 
​
Jóhanna Harðardóttir, Kjalnesingagoði

Leshópurinn hefur vetrarstarfið miðvikudaginn þann 11. september klukkan 20. Nú verða tekin fyrir kvæði og fræði sem tengjast Loka. Farið verður um víðan völl og þar verður stuðst við undirstöðurit Jan De Vries, The problem of Loki, frá árinu 1933 og glænýja samantekt Yvonne S. Bonnetain, Loki : Beweger der Geschichten. Kaffi, kökur og kátína að venju.

3-bíó hópurinn hittist að nýju sunnudaginn þann 29. september. Hann hittist eftir það á tveggja vikna fresti fram á vorið. Viðfangsefnin verða margvísleg: Guðir utan úr geimnum, helgir loddarar, goðumlíkar hetjur og fáránlegar tilviljanir.

Opið hús á laugardögum heldur áfram eins og alltaf, en nú fer að draga að því að áhugaverðir fyrirlestrar verði í boði. Þeir verða auglýstir þegar nær dregar.

Siðfestufræðsla er svo síðasta laugardag hvers mánaðar kl. 12, á undan opnu húsi.

Haustblót verður haldið síðasta vetrardag, 26. október, og viku síðar, 2. nóvember, er boðað til allsherjarþings.

Fræðsla fyrir siðfestuathafnir Ásatrúarfélagsins hefst að nýju laugardaginn 28. september.

Þegar hafa nokkur ungmenni bókað sig í fræðsluna, en hægt er að gera það með því að hafa samband við Jóhönnu Kjalnesingagoða ánetfanginu johanna@asatru.is  eða asatru@asatru.is. 

Fræðslan fer fram síðasta laugardag hvers mánaðar og hefst kl 12:00 í Síðumúla 15.  

Umsjón með fræðslunni hafa Jóhanna Harðardóttir, Kjalnesingagoði, og Hilmar Örn Hilmarsson, allsherjargoði, og fer hún að mestu leyti fram með stuttum kynningum og opnum umræðum.

Ãris Ellenberger

Mánudaginn 12. ágúst var ráðinn fyrsti starfsmaðurinn á skrifstofu Ásatrúarfélagsins. Starfsmaðurinn okkar heitir Íris Ellenberger en hún hefur störf í byrjun september.
Með tilkomu starfsmanns á skrifstofu eykst þjónusta Ásatrúarfélagsins við félagana gífurlega. Skrifstofan verður opin alla virka daga, auk þess sem allur daglegur rekstur auðveldast til muna.
Við bjóðum Írisi hjartanlega velkomna og hlökkum til að starfa með henni.