Skip to main content
search
Category

Fréttir

May 24
Love0

Fyrirlestur á opnu húsi laugardaginn 25. maí

By Fréttir
Haukur Þorgeirsson, rannsóknarptófessor á Árnastofnun, mun flytja síðasta erindið á fyrirlestradagskránni okkar fyrir sumarfrí.
Haukur mun tala um Nafn Þórs:
Í erindinu verður fjallað um elstu norrænu heimildir um nafn Þórs, ekki síst Hymiskviðu og Þórsdrápu en þar má sjá að skáldin hafa þekkt nafnið í tveggja atkvæða gerð. Jafnframt verður fjallað um mannanöfn sem dregin eru af nafni Þórs eins og Þórdís og Þorsteinn. Slík nöfn ná gríðarlegum vinsældum á 9. öld og er freistandi að líta á það sem merki um einhvers konar trúarlega vakningu.
Fyrirlesturinn hefst kringum 14:30 en húsið opnar kl. 14. Boðið verður upp á kaffi og meðlæti.
Allir velkomnir!
May 24
Love0

Mikið um að vera um helgina 25. og 26. maí

By Fréttir

Það er mikið um að vera um helgina, en ásamt fyrirlestri í hofinu verða haldin tvö blót á landinu. Annars vegar Gróðurblót að Mógilsá, og svo Vorblót Stykkishólmi.

Smellið til að sjá meira um hvern viðburð.

Gróðurblót að Mógilsá: https://asatru.is/grodurblot-ad-mogilsa-4/

Vorblót Stykkishólmi: https://asatru.is/vorblot-stykkisholmi-sunnudaginn-26-mai-n-k/

Fyrirlestur í hofinu: https://asatru.is/fyrirlestur-a-opnu-husi-laugardaginn-25-mai/

May 21
Love0

Vorblót Stykkishólmi sunnudaginn 26. maí n.k.

By Fréttir
Vorblót Stykkishólmi sunnudaginn 26. maí upp í Nýrækt, skógrækt Stykkishólms.
Jónína Þórsnesgoði helgar blótið kl 16:00.
Fögnum vori og hækkandi sól, lyftum horni til heilla goðmögnum gróandans og til góðs árferðis og friðar. Öllum er velkomið að mæta, hvort sem fólk er í félaginu eða ekki.
Að blóti loknu ætlum við að staldra við í skógarlundinum, þar verður kaffi og drykkir ásamt meðlæti í boði. Auk þess verður haldinn opinn fundur um það sem efst er á baugi hjá Ásatrúarfélaginu og svo hvernig við viljum sjá félagsstarfið og viburði þróast á Vesturlandinu.
May 21
Love0

Gróðurblót að Mógilsá

By Fréttir
Við minnum á Gróðurblótið að Mógilsá, laugardaginn 25. maí næstkomandi kl 14:00.
Alda Vala Ásdísardóttir helgar blótið og í kjölfarið verður grillað og spjallað saman fram eftir degi í fallegu umhverfi.
Grillaðar pylsur og gos að vanda ásamt kaffi.

Munið að klæða ykkur eftir veðri þótt alltaf sé skjól í skóginum.
Allir velkomnir.
Staðsetning: Mógilsá er við Þjóðveg 1, innst í Kollafirði. Beygt er af Þjóðveginum við Esjustofu og strax til hægri. Eftir spölkorn á afleggjaranum meðfram tjörninni er heimreiðin að Mógilsá á vinstri hönd.(Sjá kort)
Close Menu