Minnum á opna húsið á morgun laugardag frá kl 14-16.. Kaffi á könnu og allir velkomnir í heimsókn!
————————————————————————–
19. júní – Sumarsólstöðublót í Grundarfirði miðvikudaginn 19. júní, fyrir utan Sögumiðstöðina. Blótið hefst kl 20:00. Fögnum sól og sumarbirtu.
Lyftum horni til heilla goðum og góðum vættum, til heilla sólinni og til góðs árferðis og friðar.
Öllum er velkomið að mæta, hvort sem fólk er í félaginu eða ekki.
Boðið verður uppá kaffi, drykki og meðlæti í Sögumiðstöðinni að blóti loknu og í leiðinni höldum við opinn fund um það sem efst er á baugi hjá Ásatrúarfélaginu og svo hvernig við viljum sjá félagsstarfið og viðburði þróast hér á Vesturlandinu.
Jónína helgar blótið.
————————————————————————–
20. júní – Sumarsólstöðublót verður haldið í Ásheimum, klukkan 19:00. Pulsur og gos í boði, allir velkomnir og góða skapið í öndvegi.
Árni helgar blótið.
—–
20. júní – Sumarsólstöðublót í Haukadal Dýrafirði klukkan 20:01. Fátt er betra en að koma saman enda ávallt tilefni til og sjaldan meir en á hinum mikla og lengsta sólardegi. Boðið verður uppá kaffi, safa og kleinur að blóti loknu í Kómedíuleikhúsinu í Haukadal.
Haukadalsgoðinn, Elfar Logi helgar blótið.
—–
20. júní – Sumarsólstöðublót verður kl 18:00 við sólúrið í Kjarnaskógi á Akureyri.
Inga María Ellertsdóttir helgar blótið.
————————————————————————–
23. júní – Sumarsólstöðublótið í Austurlandsgoðorði hefst kl. 14:00. Það er haldið að Múla í Álftafirði hjá Þebu Björt og Guðmundi Einari Skagalín sem taka höfðinglega á móti gestum með kaffi og allskonar meðlæti. Þar eru málefni félagsins rædd og önnur mikilvæg heimsmál. Allir velkomnir.
Baldur helgar blótið.
————————————————————————–
27. júní – Þingblót á Þingvöllum.
Þingblót á Þingvöllum 27. júní kl 18:00. Hlekkur á viðburð: https://asatru.is/thingblot-a-thingvollum-27-juni-kl-1800/
Á Þórsdegi í 10. viku sumars þann 27. júní næstkomandi verður að venju blótað á Þingvöllum með glæsibrag.
Blótið verður mikið hátíðarblót með innsetningu tveggja nýrra goða í embætti.
Safnast verður saman kl 18:00 og gengið að Lögbergi í Almannagjá. Athöfnin hefst þar stundvíslega kl 18:30.
Í kjölfar blóts verður boðið upp á grillveislu og með því.
Þið eruð að sjálfsögðu öll velkomin að mæta og taka þátt í fögnuðinum!
Allsherjargoði Hilmar Örn helgar blótið.
Á Þórsdegi í 10. viku sumars þann 27. júní næstkomandi verður að venju blótað á Þingvöllum með glæsibrag.
Blótið verður mikið hátíðarblót með innsetningu tveggja nýrra goða í embætti.
Safnast verður saman kl 18:00 og gengið að Lögbergi í Almannagjá. Athöfnin hefst þar stundvíslega kl 18:30.
Í kjölfar blóts verður boðið upp á grillveislu og með því.
Þið eruð að sjálfsögðu öll velkomin að mæta og taka þátt í fögnuðinum!
Sumarsólstöðublót Grundarfirði verður haldið miðvikudaginn 19. júní, fyrir utan Sögumiðstöðina. Jónína Þórsnesgoði helgar blótið kl 20:00. Fögnum sól og sumarbirtu.
Lyftum horni til heilla goðum og góðum vættum, til heilla sólinni og til góðs árferðis og friðar.
Öllum er velkomið að mæta, hvort sem fólk er í félaginu eða ekki.
Boðið verður uppá kaffi, drykki og meðlæti í Sögumiðstöðinni að blóti loknu og í leiðinni höldum við opinn fund um það sem efst er á baugi hjá Ásatrúarfélaginu og svo hvernig við viljum sjá félagsstarfið og viðburði þróast hér á Vesturlandinu.
Eins og venjulega er opið hús á morgun laugardag í hofinu okkar í Öskuhlíð. Allir velkomnir og kaffi á könnunni!
Vorblót í Vopnafirði fer fram við Einbúa 9. júní sem er við gatnamótin að Skjaldþingsstöðum og hefst kl. 16:00. Kaffi hjá Ingvari á Skjaldþingsstöðum eftir blót. Allir velkomnir.
Opna húsið verður á sínum stað á morgun laugardag frá kl 14-16. Kaffi á könnu og allir velkomnir í heimsókn.
Frábær stemming var á Gróðurblóti að Mógilsá laugardaginn 25. maí síðastliðinn.
Dagurinn hófst kl 12:00 með hópefli hjá nemendum í siðfestu og í kjölfarið var haldið á blótið sem hófst kl 14:00.
Hér má sjá nokkrar myndir af blótinu.
Haukur Þorgeirsson, rannsóknarptófessor á Árnastofnun, mun flytja síðasta erindið á fyrirlestradagskránni okkar fyrir sumarfrí.
Haukur mun tala um Nafn Þórs:
Í erindinu verður fjallað um elstu norrænu heimildir um nafn Þórs, ekki síst Hymiskviðu og Þórsdrápu en þar má sjá að skáldin hafa þekkt nafnið í tveggja atkvæða gerð. Jafnframt verður fjallað um mannanöfn sem dregin eru af nafni Þórs eins og Þórdís og Þorsteinn. Slík nöfn ná gríðarlegum vinsældum á 9. öld og er freistandi að líta á það sem merki um einhvers konar trúarlega vakningu.
Fyrirlesturinn hefst kringum 14:30 en húsið opnar kl. 14. Boðið verður upp á kaffi og meðlæti.
Allir velkomnir!
Það er mikið um að vera um helgina, en ásamt fyrirlestri í hofinu verða haldin tvö blót á landinu. Annars vegar Gróðurblót að Mógilsá, og svo Vorblót Stykkishólmi.
Smellið til að sjá meira um hvern viðburð.
Gróðurblót að Mógilsá: https://asatru.is/grodurblot-ad-mogilsa-4/
Vorblót Stykkishólmi: https://asatru.is/vorblot-stykkisholmi-sunnudaginn-26-mai-n-k/
Fyrirlestur í hofinu: https://asatru.is/fyrirlestur-a-opnu-husi-laugardaginn-25-mai/